Inaakusahan ng mga tagasuporta ni Andrea Brillantes ang beauty queen na si Leren Mae Bautista na dahilan ng paghihiwalay ng aktres at ng boyfriend nito, ang basketball player-actor na si Ricci Rivero.
Read: Ricci Rivero confirms breakup with Andrea Brillantes amid cheating allegations
Isang nakakaalam sa kuwento ang nagpatunay sa Cabinet Files na hiwalay na sina Andrea at Ricci bago pa man nagkakilala sina Leren at Ricci.
Ito ang dhilan kaya hindi umano makatarungang bastusin at paratangan ng masasakit na salita si Leren, na incumbent councilor ng Los Baños, Laguna.
Ayon sa source, nagkakilala lamang sina Leren at Ricci sa outreach program ng beauty quen-turned-politician sa Los Baños noong May 26, 2023—isang araw matapos magdiwang ni Ricci ng kanyang 25th birthday noong May 25.
Binigyan ng malisya ng mga nakikisimpatiya kay Andrea ang mensahe ng pasasalamat ni Leren kay Ricci sa pamamagitan ng Instagram.
Nakasaad sa Instagram post ni Leren: “Happy birthday Ricci Rivero. Thank you for spending your birthday here in Los Baños. We appreciate your love and generosity to give back to our people. Mabuhay ka!”
Matagal nang aktibo si Ricci sa mga outreach at feeding program niya para sa mga kapus-palad. Nang malaman ng kanyang mga kaibigang magbibigay siya ng tulong sa mga residente ng Los Baños, si Leren—na personal na kilala ng isa sa mga kagrupo nila—ang kanilang nilapitan dahil incumbent councilor nga ng nabanggit na bayan ang dating beauty queen.
Ginagamit ding "ebidensiya" ng ilang netizens ang screenshot ng Instagram Story ni Leren na ni-repost ni Ricci at pagla-like ng basketball player sa isa pang Instagram post ng beauty queen-councilor.
Ayon pa sa source, napilitan si Ricci na sabihin sa publiko na hiwalay na sila ni Andrea dahil nadadamay na nga si Leren sa mga wala umanong katotohanang akusasyon ng mga tagahanga ng aktres.
Pakiusap ng dating UP player sa kanyang Twitter post, “For everyone’s peace of mind, please allow ourselves to heal and move on peacefully without hate and pain.”
Si Leren ay kinoronahang Bb. Pilipinas-Globe noong 2019, at second runner-up siya sa Miss Globe na ginanap sa Montenegro noong October 2019.
Read: Leren Mae Bautista finishes 2nd runner-up in Miss Globe 2019
Bago siya sumali sa Binibining Pilipinas 2019, si Leren ang winner ng Mutya ng Pilipinas Asia-Pacific International 2015.
Sa kabila ng mga panglalait at paninira sa kanya sa mga social media page niya, nananatiling kalmado at tahimik si Leren dahil, giit ng source, hindi totoong third party siya sa pagwawakas ng relasyon nina Ricci at Andrea.