Tiniyak ni Rob Gomez na buong-buo ang suporta nito sa kanyang nakababatang kapatid na si Arine Ejercito Tan, isa sa mga opisyal na kandidata sa Miss Grand Philippines 2023.
Sina Rob at Arine ay mga anak ng former actress na si Kate Gomez, kapatid ng aktor na si Gary Estrada.
Nagkaroon ng isyu ang pagsali ni Arine sa Miss Grand Philippines 2023 dahil isa sa mga mahigpit na makakalaban niya ay si Herlene Budol.
Si Herlene ang leading lady ni Rob sa Magandang Dilag, ang afternoon revenge series ng GMA-7 na mapapanood simula sa June 26, 2023.
Read: Herlene Budol pinupuntiryang makuha ang Miss Grand Philippines crown
Ngayong Lunes ng gabi, June 19, hiningi ng Cabinet Files ang reaksiyon ni Rob tungkol sa nalalapit na tagisan sa patimpalak-kagandahan ng dalawang babaeng magkatunog ang mga pangalan at kapwa malapit sa kanyang puso.
Saad ng aktor, “This is a huge pageant. I’ve been rooting for Herlene ever since I found out at work that she was joining.
“My sister is young pa and it’s her first pageant, and I think she has a lot of potential to be a queen if she puts her mind into it.
“Sabi ni Tito Arnold Vegafria, pumatok sa judges si Arine sa Q&A so that’s glad to hear."
Si Arnold ang national director ng Miss Grand Philippines.
Pagpapatuloy ni Rob, “Sabi naman po ni Herlene, sasamahan niya si Arine and she’ll take care of my sister at training.
“And I told Arine to enjoy the journey and learn from everyone because everybody already has years of experience.
"Looks like they have competition with my little sister!"
Hindi raw inaasahan ni Rob na magkakaroon ng rivalry sa pagitan ni Herlene at ng kanyang kapatid dahil sa Miss Grand Philippines 2023.
Magaganap ang koronasyon ng Miss Grand Philippines 2023 sa Mall of Asia Arena sa July 13, 2023.
Nabuo ang pagiging mabuting magkaibigan nina Herlene at Rob sa set ng Magandang Dilag dahil sila ang magkapareha at madalas na magkasama sa mga eksena.
“Hindi naman ho mahirap makatrabaho si Herlene,” sabi ni Rob sa nakaraang media conference ng drama series na kanilang pinagbibidahan.
“She became a friend. Tropa-tropa. She’s really chill. She always fun to be around with.”
Puring-puri rin ni Rob ang ipinamalas na pagganap ni Herlene sa Magandang Dilag.