Ang kontrobersiyal na pagsagot ni Herlene Budol sa nakaraang press conference ng Miss Grand Philippines 2023 ang isang dahilan kaya ikinukumpara ang Kapuso comedienne kay Lars Pacheco.
Si Lars ang official candidate ng Pilipinas sa Miss International Queen 2023, ang international beauty pageant para sa transgender women.
Read: Lars Pacheco wins Miss International Queen Philippines 2023
Kung tumatanggap ng mga batikos si Herlene dahil sa tinawag na "pang-barangay level" at "pang-comedy bar" na inasal niya sa media conference ng Miss Grand Philippines 2023, pinupuri naman si Lars dahil sa matalino at may katuturang sagot nito sa mga panayam sa kanya at sa mga katanungan ng mga hurado ng Miss International Queen 2023.
Read: Herlene Budol, nabatikos sa "pagpapakatotoo" sa Miss Grand PH 2023 interview
Pahayag ni Lars sa isang panayam sa kanya, “I think that our world is constant when it comes to changes and the only thing that we should learn is on how to adopt with it.
“I believe that in everything we do, we should consider changes, and we must not be afraid of it, and we must face it because those changes will be the ones that will make us grow as an individual.
"And that what makes us a better person in our future."
Isa si Lars sa mga strong contender para sa Miss International Queen 2023 title kaya naniniwala ang mga sumusuporta sa kanyang hindi malabong magkaroon ng back-to-back win ang Pilipinas dahil Pilipino ang reigning titleholder—si Fuschia Anne Ravena.
Read: Philippine bet Fuschia Anne Ravena crowned Miss International Queen 2022
Bukod sa kapwa Pilipino ang outgoing Miss International Queen, malaking bagay kay Lars na mentor ng mga kandidata ang dalawang kababayan natin—sina Miss International Queen 2012 Kevin Balot at Miss International Queen 2015 Trixie Maristela.
Kevin Balot (left) and Trixie Maristela (right)
Ngayong Huwebes ng hapon, June 22, idaraos ang preliminary competition ng Miss International Queen 2021 sa Tiffany’s Show, sa Pattaya.
Humihingi si Lars ng dasal at suporta mula sa ating mga kababayang iboto siya para makuha niya ang Most Popular award. Kapag si Lars ang nanalo sa Miss Popular category, sigurado nang pasok siya sa Top 11 candidates.
Hindi ito imposibleng mangyari dahil ang Philippine bet ang madalas nakakakuha ng pinakamaraming likes at comments sa mga social media account ng Miss International Queen 2023.
Magaganap ang grand coronation ng Miss International Queen 2023 sa Tiffany’s Show, Pattaya, Thailand, sa June 24, 2023.