Maligayang-maligaya si Kim Molina nang sabihin sa kanya ng management ng TV5 at Viva Television na magkakaroon ng Season 2 ang Team A, ang sitcom nila ng partner niyang si Jerald Napoles.
Napapanood ito tuwing Sabado ng gabi, 9:30 p.m. sa TV5 at tuwing Linggo, 9 p.m., sa SariSari Channel Cignal Channel 3.
"We’re super happy!" ang pahayag ni Kim sa Cabinet Files.
"Masaya kami nang malaman namin na may Season 2 ang Team A dahil sobrang sarap na katrabaho ng mga kasama namin from the cast, creatives, at production crew.
"Being able to extend working with all of them is additional blessing to us. We’re humbled and overjoyed when they told us that Team A is the first Viva produced funserye to be offered another season for TV5."
Pangalawang pamilya na ang trato ni Kim sa cast ng Team A. Pero bukod sa kanyang boyfriend na si Jerald, naging malapit siya nang husto kay Yayo Aguila na gumaganap na nanay niya sa nasabing funserye.
"Mom ko siya for three movies, at nang dumagdag ang Team A, our mother-daughter tandem was definitely a breeze for us already.
"She’s also Facebook friends with my real mom now at nakakatuwa na nag-meet na sila when they both watched my musical ZsaZsa Zaturnnah!" kuwento ni Kim.
Read: Awra Briguela bar brawl incident: A timeline
UNFORGETTABLE SCENES
Maraming eksena sa Team A na hindi niya malilimutan.
"Lahat ng mga eksena with our veteran comedians, hindi ko makakalimutan!
"Sa totoo lang, ako ang pinakabungisngis sa lahat at ang hirap umarte nang seryoso sa harap nina Tito Anjo Yllana at Tito Gene Padilla."
"Ano ang mga hamon at pagkakaiba ng sitcom sa mga nakaraan na drama series project mo?
Sagot ni Kim: "I consider all my projects a challenge, an opportunity for me to show my versatile side.
"There may be similarities with some, but of course the challenge of making our audience feel that they’re actually watching a different person will always be there.
"For Team A, aside from the already existing challenge of separating my character Janet from Kim, the main challenge and difference from my past work is the fact that Janet is already a mother.
"My character has to be a mom to Yeye despite the reality that I don’t have a child yet in real life."
May kaakibat daw iyong responsibilidad.
"I would need to be an inspiration and somewhat a 'role model' to modern mothers watching, so being very particular and careful on how I handle situations as Janet is what I always look into every taping."
Mensahe niya sa mga tumatangkilik sa Team A: "Sa lahat po ng sumusuporta sa aming munting pamilya, maraming- maraming salamat po! Isang blessing po na ipagpatuloy ang aming kuwento sa inyong lahat!"