Kung may "JRU Anti-Silos Class" si Jak Roberto, may "DLSU" naman si David Licauco na pantapat nito sa “viral course” ng boyfriend ng kanyang love team na si Barbie Forteza.
Read: Jak Roberto rides on 'anti-selos class' memes; Barbie Forteza reacts
Si David ang bisita sa Fast Talk With Boy Abunda nitong Martes ng hapon, August 29, 2023.
Dito niya natatawang inilahad sa publiko ang kahulugan ng DLSU—"David Licauco Seloso University."
Sa panayam sa kanya ni Boy Abunda, inamin ni David na seloso siya sa tunay na buhay pero nasa lugar.
“Depende sa context or situation, di ba? Kung lalabas naman talaga yung girlfriend mo with her friends, kailangan maintindihan mo.
"Pero minsan, may guys na iba yung pakay.
“As a guy, alam ko kung ano yung lalakeng puwede mong pagkatiwalaan.
“I mean, seloso ako in a way, pero I don’t really say it sa public, siyempre hindi naman maganda. Meron din siyang sariling buhay, may sarili akong buhay.
"Sarili ko lang, I just keep it to myself,” paliwanag ni David tungkol sa klase ng pagkaseloso niya.
Sina David at Barbie ang lead stars ng Maging Sino Ka Man, ang television adaptation ng 1991 blockbuster movie nina Sharon Cuneta at Robin Padilla.
Magsisimula sa September 11, 2023 ang telecast ng Maging Sino Ka Man na isang special limited series ng GMA-7.
Kahit pang-telebisyon lamang ang kanilang relasyon, matalik na magkaibigan sina David at Barbie.
“We’re good friends,” ani David.
Ikinuwento rin ng aktor na magkaibigan sila ni Jak at napag-uusapan nila ni Barbie ang boyfriend nito.
Read: David Licauco reiterates appreciation of Jak Roberto's support for BarDa love team
“Pinag-uusapan namin," sambit ni David.
"Yung parang I received yung mga nangyari sa anti-silos. Pinag-uusapan namin kung magre-react siya o si Jak.
"Pero siyempre, tinatawanan lang namin kasi, at the end of the day, entertainers kami. We’re so happy to entertain.”
May sagot din si David tungkol sa fans ng love team nila ni Barbie na umaasa na sila ang magkakatuluyan sa tunay na buhay.
“Personally, I think kailangan kong intindihin on a fans perspective kasi humahanga sila sa amin.
“Although may mga hate, we try our best to understand that kasi meron din silang feelings,” pahayag ni David.