Makalipas ang limang taon, muling nagmahal ang aktor at StarStruck Season 4 alumnus na si Prince Stefan.
Isinapubliko ni Prince ang mga nangyayari ngayon sa kanyang personal na buhay sa pamamagitan ng isang Facebook post.
“I’ve been single for 5 years and after being committed to my career and Christian service I promised not to pursue any gay romantic relationships but I guess you don’t know what destiny has in store.
“I’m so happy and grateful to finally found someone who accepts, supports, understands me. Thank you Mark Anthony for giving my life a new meaning again.
“I don’t know what tomorrow will bring but I’m excited to see what the future holds,” pahayag ni Prince tungkol sa bagong relasyon na kanyang pinasok.
Read: Prince Stefan, kinumpirmang hiwalay na sa boyfriend niyang si Paolo Amores
View this post on Instagram
Ang sinabi ni Prince na bilang isang Christian, “I promised not to pursue any gay romantic relationships,” ang puno’t dulo ng pagtatanong ng Philippine Entertainment Portal (PEP.ph) kung hindi ba magkakaroon ng conflict sa kanyang Christian beliefs ang muli niyang pakikipagrelasyon sa kapwa lalake.
Ang boyfriend ni Prince na si Mark Anthony Madrid, na isang practicing Christian, ang sumagot sa aming katanungan.
Pahayag ni Mark Anthony, “Sa amin po, Christianity teaches us that God loves all His children. The Bible tells us that Jesus spent His time with the most imperfect of people.
"Kung sa tingin ng mga tao, mali ang pagmamahalan namin, sa kanila po yun. We all sin differently and we should not judge others for sinning differently than us."
Isinilang at lumaki si Mark Anthony sa Amerika.
WHEN PRINCE MET MARK ANTHONY
Nagkakilala sila ni Prince sa social media dahil bukod sa pag-arte, nagtatrabaho ang 34-year-old actor bilang property specialist ng Robinson’s Land Corporation (RLC).
Malaki ang pasasalamat ni Prince sa RLC dahil ito ang nagpabago ng takbo ng kanyang buhay at naging instrumento para makilala niya si Mark Anthony.
“I’m so happy dahil binago ng RLC ang buhay ko! RLC saved my life,” deklarasyon ni Prince nang makausap siya ng Cabinet Files ngayong Lunes, September 4, 2023.
Kasalukuyang nasa California, USA, si Prince. Magkasama sila ni Mark Anthony nang maganap ang pakikipag-usap namin sa kanya tungkol sa bagong kabanata ng buhay niya.
Pagbabahagi ni Prince, “I am working for RLC Residences as top agent. Premier international property specialist ako
“We are talking for two years, on and off sa Instagram as friends.
“I offered Mark and his family the new RLC pre-selling projects. Since then, every holidays, special occasions such as birthdays, he always sent me messages and greets me.
“When RLC deployed me to the U.S., I invited him to attend and support me, but unfortunately he wasn’t able to come because of a family event.
“Pero bumawi naman siya, he invited me for coffee,” kuwento ni Prince tungkol sa pagsisimula ng romantic relationship nila ng kanyang 30-year-old boyfriend.
Pagpapatuloy niya, “Then we just instantly clicked and got along well. Parang it all happened so fast.
“In a span of one week, I met his family and got to know him. He’s also a Christian man kaya we are keeping God in the center of our relationship.
“What’s good about him is he’s also hardworking like me! Aircraft engineer siya at hospital laboratory technician engineer as well.
“May stable job siya and, at the same time, very responsible. Kaya I’m so happy to finally found someone that understand, support and accept me despite my flaws and past mistakes.”
LONG-DISTANCE RELATIONSHIP
Dahil U.S.-based ang kanyang boyfriend, tinanong namin si Prince tungkol sa posibilidad na permanenteng paninirahan niya sa Amerika para magkasama na sila.
Tugon niya, “About sa plan na pag-migrate ko sa U.S., I don’t know yet and it’s too early to tell.
"Maybe in the future but not soon because we’re still in the process of getting to know each other and starting our relationship.
"Maybe in the future, who knows, di ba? But I’m not closing naman my doors.
“For now, we are just enjoying each other’s company since two months pa lang ang relationship namin, pero two years na kaming nag-uusap sa social media.”
Contract star ng Viva Artists Agency si Prince, at mahal na mahal pa rin ang kanyang acting career. Pero sa ngayon, ang trabaho niya bilang real-estate agent ang pinagtutuunan niya ng panahon.
“I’m not closing my door sa Viva at sa showbiz career ko. I love my Viva family and showbiz is my first love.
"After high school, ang acting na ang naging career ko," sabi ni Prince, na walang planong talikuran ang showbiz career na nagbigay sa kanya ng maraming oportunidad.