Magwawakas sa Oktubre 13, 2023 ang Iron Heart, ang action drama television series ng Kapamilya Channel na pinangungunahan nina Richard Gutierrez at Jake Cuenca.
Si Jake ang nagbalita tungkol sa nalalapit na pagtatapos ng Iron Heart nang humarap siya sa entertainment writers noong Sabado, Setyembre 23, 2023, at masaya niyang sinabi na pupunta sila ni Richard sa Japan sa Oktubre 1 dahil kukunan sa naturang bansa ang kakaibang fight scenes nila na ngayon pa lamang mapapanood sa Philippine television.
“Kasabay ng announcement ng last two weeks of the show, we’re also been reaching highest ratings so we’re gearing now to shoot the finale in Japan, just me and Richard,” ang umpisa ng kuwento ni Jake na ipinagmalaki ang mga plano nila ng kanyang co-star para sa pagwawakas ng action drama series.
“It’s gonna be crazy. This is gonna be the biggest fight that we’re gonna shoot so far. We aspire to do the best that we can.
“This has got to be the best ending we’re ever gonna make.
“Ang ginagawa namin ni Richard ngayon, we’re like hyping each other up, motivating each other, inspiring each other to really come up with an ending that people are not gonna forget.
“We wanna show something for the first time in Philippine television. It wouldn’t be Iron Heart without challenges. It wouldn’t be Iron Heart if it’s too easy.
“We’re very proud of the show kasi talagang it’s all hard work.
“It was built talaga with hard work, sacrifice… there were certainly days na injured kami.
“You go to the set bleeding but we love it kasi mahal mo yung ginagawa mo,” ani Jake na nalulungkot sa nalalapit na pagtatapos ng Iron Heart pero natutuwa dahil extended ang airing ng Jack and Jill sa Diamond Hills, ang sitcom ng APT Entertainment na napapanood sa TV5 at pinagbibidahan nila ni Sue Ramirez.
“With that sad news na finale na kami ng Iron Heart, extended naman ang Jack and Jill sa Diamond Hills.
“Pagdating namin ni Sue sa set ng Jack and Jill, nag-announce naman si Direk Mike [Tuviera, APT Entertainment’s CEO and President] ng extension.
“We’re so thankful, sabi ni Direk Mike they don’t really extend daw the show unless patapos na pero parang kami, kaka-start pa lang ng second season, we have another one.”