Sa kabila ng mga paratang na hindi kumpleto ang training niya bilang Philippine Air Force (PAF) Reservist, kasama si Miss Universe Philippines 2023 Michelle Dee sa mga tumanggap ng Certificate of Completion sa graduation day na nangyari sa Philippine Air Force Gymnasium, Villamor Airbase, Pasay City, noong Setyembre 30, 2023.
Read: Michelle Dee, binigyan ng "special treatment" bilang Philippine Air Force reservist?
Kasama ni Michelle na dumalo sa graduation day ng mga bagong PAF reservist ang kanyang ina, ang aktres at former Miss International na si Melanie Marquez.
Ganap na ang pagiging sarhento ni Michelle sa PAF.
Kabilang siya sa Manlawid Class 2023 Bravo na nagtapos ng Basic Citizen Military Training na nagsimula noong July 2023 at natapos noong Setyembre.
Mensahe ni Michelle sa kanyang Instagram post: “The best way to find yourself is to lose yourself in the service of others.”
“It’s always been a goal of mine to become a civilian reservist, which for me is one of the highest forms of love for your country! If you’re waiting for a sign — this is Sgt. Michelle Marquez Dee at your service!”
View this post on Instagram
Maligayang-maligaya rin si Melanie sa bagong achievement ng kanyang anak na kinatawan ng Pilipinas sa 72nd Miss Universe na idaraos sa El Salvador sa November 18, 2023.
“I am proud of my daughter Michelle Marquez Dee and so blessed to have a reserve soldier in our family. May God bless her always. Michelle Marquez Dee is also a faithful servant of God," may pagmamalaking reaksyon ni Melanie sa anak niyang sinundan ang kanyang yapak bilang beauty queen at aktres.
