Tatlong Pinoy na artista na ang sa pagkakaalam namin ay mabilis pumayat dahil sa isang Food and Drug Administration (FDA)-approved antidiabetic medication para sa mga taong may Type 2 diabetes.
Ang ngalan nito ay Ozempic.
Ginagamit na rin ito ng mga walang Type 2 diabetes para mabawasan ang kanilang mabibigat na timbang.
Ang billionaire businessman na si Elon Musk, ang komedyanteng si Tracy Morgan, at ang host na si Oprah Winfrey ang ilan sa mga sikat na personalidad sa Amerika na lantarang umaming malaki ang kinalaman ng Ozempic sa kanilang pagpayat.
Nagkaroon tuloy ng kakulangan sa supply ng nabanggit na injectable medication!
Pero kahit may reseta ng doktor ang paggamit ng Ozempic, dapat maging maingat ang mga may planong magbawas ng timbang sa agarang pamamaraan.
Sa ulat ng People, namatay ang 56-year-old Australian na si Trish Webster matapos umanong gumamit ng weight- loss injectables bilang paghahanda sa araw ng kasal ng anak.
Isinalaysay ni Roy, ang asawa ni Trish, na napanood ng misis niya noong nakaraang taon ang patalastas sa telebisyon tungkol sa Ozempic.
Nakipag-ugnayan si Trish sa doktor nito para mabigyan siya ng reseta sa gamot.
Sa loob lamang ng limang buwan, nabawasan ng 35 lbs. ang timbang ni Trish dahil sa Ozempic.
Pero pagsusuka, nausea, at diarrhea ang side effects na kanyang naranasan.
Sinabi ni Roy na noong Enero 16, 2023, bigla na lamang huminto ang paghinga ni Trish at may lumabas na “brown stuff” mula sa bibig niya.
Acute gastrointestinal illness ang nakalagay sa death certificate ni Trish.
Pero naniniwala si Roy na malaki ang kinalaman ng weight-loss injectables sa pagpanaw ng asawa niya.
Patuloy ang imbestigasyon ng mga kinauukulan sa epekto ng Ozempic sa katawan, lalo na sa digestive system, dahil sa suspetsang may kinalaman ang gamot sa severe gastroparesis.
Ang gastroparesis o stomach paralysis ay pumipigil sa tiyan na makapagbawas nang maayos.
Noong Setyembre 2023, naglabas ang FDA ng babala na maaaring maghatid ng banta sa buhay ang Ozempic.
Kasama rito ang ileus, isang uri ng pagbabara sa bituka na pumipigil sa pagdaloy ng dugo sa organs, na nagiging bunga ng tissue necrosis.
Iginiit ng Novo Nordisk, manufacturer ng Ozempic, na ligtas gamitin ang kanilang produkto.
Ito ang nakasaad sa opisyal na pahayag na ipinadala nila sa People:
"Patient safety is a top priority for Novo Nordisk. We take all reports about adverse events from use of our medicines very seriously. However, we do not comment on individual patient cases.
"Ozempic (semaglutide) is a prescription medicine that should be taken under the care of a licensed healthcare provider.
“Ozempic is FDA-approved for the treatment of type 2 diabetes, to improve blood sugar, along with diet and exercise, and reduce the risk of major cardiovascular events such as heart attack, stroke, or death in adults with type 2 diabetes and known heart disease.
“Ozempic is not indicated for chronic weight management.
"The safety and efficacy profile of Ozempic has been evaluated in clinical studies involving more than patients. The most commonly reported side effects were gastrointestinal, including nausea, vomiting, diarrhea, stomach (abdominal) pain, and constipation. The known risks associated with use of Ozempic are reflected in the FDA-approved product labeling."