Nag-trend sa mga social media platform ang Shake, Rattle & Roll Extreme noong Oktubre 17, 2023 dahil marami ang hindi makapaniwalang hindi kasali ang pelikula ng Regal Entertainment Inc. sa sampung opisyal na kalahok sa 49th Metro Manila Film Festival na magsisimula sa Disyembre 25, 2023.
May mga nagsabing hindi kumpleto ang annual film festival tuwing Kapaskuhan kapag hindi kasali ang iconic at longest-running movie series sa Pilipinas.
Read: Here are the 24 finished films that did not make it to MMFF 2023 official entries
Para sa mga artista ng Shake, Rattle & Roll Extreme, hindi isyung hindi napiling kalahok sa MMFF 2023 ang kanilang pelikula dahil walang panahong pinipili ang pagpapalabas nito sa mga sinehan.
Ayon kay Iza Calzado, “Nakaka-excite na hindi na namin patatagalin ang suspense ng horror. Uunahan na natin bago mag-Pasko, as you said Christmas came in early in the form of Shake, Rattle & Roll.”
Hudyat ito ng pagbabalik-pelikula ng aktres matapos isilang ang kanyang panganay na anak.
Read: Iza Calzado, balik-pelikula matapos manganak; kasama sa cast ng 'Shake, Rattle & Roll Extreme'
Sabi pa ni Iza, “I think kahit na anong season, kahit na ano, summer, kahit saan mo ilagay ang Shake, Rattle & Roll, meron at merong manonood nito dahil as a testament, napakalakas ng ugong online ng mga tao.
“But we just really want to watch it whatever the playdate is.”
Ayon din kay Iza, "extremely grateful" siya sa overwhelming at heartwarming na komento ng publiko tungkol sa Shake, Rattle & Roll Extreme na nakatakdang mapanood sa mga sinehan simula sa Nobyembre 22.
Nagpasalamat naman si Regal Entertainment executive producer Roselle Monteverde sa suportang natatanggap ng kanilang pelikula mula sa mga tao.
Ipinaalaala rin niyang ipinagdiriwang ng Regal ang ika-60anibersaryo nila ngayon 2023.
“Hindi naman lahat ng pelikula ng Regal napapanood ko, pero itong Shake, Rattle & Roll, talagang pinapanood ko yan every year,” sabi ni Roselle.
“I am really so happy that I can see a lot of you here supporting Shake, Rattle & Roll Extreme.
"It’s our first release sa cinema since the pandemic kasi most of the movies that we did were straight to platforms.
“We made this movie specifically for the audience to have the cinema experience so talagang sobrang sulit siya,” mensahe ng pasasalamat ni Roselle.