Ang magkaroon na sila ni Sarah Geronimo ng anak ang isa sa mga Christmas wish ni Matteo Guidicelli; at ayon sa kanya, handang-handa na siya na maging ama.
"I hope baby na… sana in God’s time. Reding-ready na," nakangiting sabi ni Matteo.
Pinag-uusapan na?
"Yeah, yeah. At the end of the day, my priority is my wife, my family. I think that’s part of the plan.
"But again, you can’t plan too hard because it’s God that gives us these blessings, so we just hope for the best and do what we have to do," sagot ni Matteo.
Nang maungkat ang mga hamon na pinagdaanan niya ngayong 2023, inisa-isa ni Matteo ang kanyang mga naranasan na nakakatawa at normal na nangyayari sa mga karaniwang tao.
"Just like all of us, we have our own personal challenges, business challenges.
"Business-wise, we opened a production company, we opened a studio. These are different challenges in that side of the field," seryosong sabi muna ni Matteo.
Sabay lahad din niya: "Yung aso ko, minsan nagkakasakit. Yung mga kasambahay ko, kailangan mag-day off.
"Being man of the household, organizing the house, buy the grocery. Yun ang mga everyday challenges that we go through."
Nagpapatawang rebelasyon pa ni Matteo: "Paying the electric bills pala. I almost missed the electric bill. Muntik na kaming nag-cut-off.
"Sabi sa akin, 'Sir, hindi ka pa nagbayad. Magka-cut-off na bukas.' 'Hala!'''
Read: Sarah Geronimo and Matteo Guidicelli love story: A timeline
ON JOINING PARADE OF STARS FOR PENDUKO
Samantala, nasasabik na si Matteo sa nalalapit na 49th Metro Manila Film Festival dahil sa kauna-unahang pagkakataon, mararanasan niya na sumakay sa float dahil opisyal na kalahok ang pelikula na kanyang pinagbibidahan, ang Penduko.
Nagsimula noong 2007 ang showbiz career ni Matteo, pero ngayon lamang ito nagkaroon ng proyekto na kasali sa film festival na idinadaos tuwing Disyembre kaya handa siyang gawin ang lahat sa Parade of Stars.
"Baka puwede tayong mag-ano diyan, mag-topless. Bak talagang todo yung tan natin, di ba?” ang natatawa na sabi ni Matteo.
Payag siyang maghubad ng pang-itaas sa Parade of Stars dahil topless siya sa poster ng Penduko.
"Oo naman! Basta hindi lang bottomless," ang mabilis na sagot ni Matteo nang itanong ng Cabinet Files kung papayagan ba siya ng kanyang asawa na si Sarah Geronimo na nakahubad sa float ng Penduko.
Read: James Reid reacts to Matteo Guidicelli replacing him in "Penduko"
MOVIE WITH SARAH?
Ang Catch Me I’m In Love, na ipinalabas sa mga sinehan noong March 23, 2011, ang una at huling pelikula nina Sarah at Matteo.
Labingdalawang taon na ang nakalilipas mula nang magsama sila ni Sarah sa Catch Me I’m In Love, pero hindi pa masabi ni Matteo kung masusundan na ang unang pelikula nila.
Ipinauubaya raw niya ito sa Viva Films producer na si Vic del Rosario.
Ani Matteo, "Sana… Hindi ko alam. Depende kay Boss Vic at, of course, kay Sarah and the whole team.
"Sarah is very very particular in the project she does and what she likes doing because she believes in representing Filipino content, Filipino art, especially with her music.
"It’s all OPM. It’s really original from Filipino artists. She really wants to push that, so if she find something interesting, we’ll see."
Read: Matteo Guidicelli wishing for "Dragon baby" with wife Sarah Geronimo