Ang mga nagpasalin-saling usapang maganda ang Firefly ang isa sa mga dahilan kaya madaragdagan ang mga sinehang nito.
Ang Firefly ay ang official entry ng GMA Pictures sa 49th Metro Manila Film Festival.
Ilang araw bago nag-umpisa ang MMFF 2023 ngayong Lunes, Disyembre 25, 2023, nanawagan ang mga bumubuo ng Firefly na unahin itong panoorin ng publiko dahil limitado ang bilang ng mga sinehang paglalabasan ng pelikulang pinangungunahan ni Alessandra de Rossi at ng child actor na si Euwenn Mikaell.
Read: Direk Zig Dulay at Cherry Pie Picache umaasa sa word of mouth para madagdagan ang sinehan ng Firefly
Hanggang sa huling media conference para sa Firefly noong Disyembre 19, 2023, muling umapela ang direktor na si Zig Dulay at ang mga artista ng pelikula na suportahan ang kanilang proyekto.
Hiniling din nilang madagdagan sana ang mga sinehan na paglalabasan ng Firefly.
Ngayong Lunes ng gabi, masayang kinumpirma ni GMA Pictures Senior Vice-President Nessa Valdellon sa Cabinet Files na simula bukas, Martes, Disyembre 26, limang sinehan ang idadagdag sa Firefly.
Kasama na rito ang SM North Cinema at Ayala The 30th Cinema.
Ibinahagi rin ni Valdellon sa isang social media post ang magandang balita tungkol sa Firefly:
“Finally! We have SM North EDSA starting tomorrow! Will post updated poster here soon, with additional cinemas in Naga, La Union plus Newport and Ayala 30th.
"Thank you to everyone who watched FIREFLY today ... it's because of you that we JUST got additional cinemas.
“This came right when I was about to post that I went around cinemas today and got sad. Dawned on me that even if our cinemas sell out — as they already did — we will still not be a top grosser due to our small number of total theaters and not being in the big ones like SM North. But, turns out ... there's light at the end of the cave!”