Hindi na maririnig ng publiko ang tunay na dahilan ng hiwalayan ng isang showbiz couple noong 2023.
Nagkasundo ang mga ito sa harap ng mga taong namamahala sa kanilang mga personal at professional career na ititikom na lamang nila ang kanilang mga bibig.
Masalimuot at maselan ang mga dahilan ng pagwawakas ng relasyon ng showbiz couple. Kung babasagin nila ang pananahimik, tiyak na maaapektuhan ang acting career ng isa sa kanila.
Pero sa kabila ng "truce" na napagkasunduan ng magkabilang-panig bago sumapit ang nakaraang Pasko, hindi pa ganap na masasabing may closure na ang isyu sa pagitan ng ex-showbiz couple.
Labis na nasaktan ang aktres sa mga masasakit na paratang sa kanya ng mga tao sa paligid ng ex-boyfriend.
Naghihintay pa rin ang aktres na makatanggap ng personal na paumanhin mula sa taong malapit sa ex-boyfriend na hinusgahan siya nang husto.
Kung hihingi ng paumanhin ang nakasakit sa kanyang damdamin, saka lamang tuluyang makakamit ng aktres ang "healing" na pinakamimithi nito dahil inosente siya sa lahat ng matitinding akusasyong natikman niya.
At habang naghihintay siyang magkaroon ng ganap na closure ang malungkot na sinapit ng kanyang pakikipagrelasyon, inaasahang magiging aktibo ang aktres sa showbiz ngayong 2024 para mabawi ang mga panahong mas pinagtuunan niya ng atensiyon ang love life.
More blind items on PEP.ph:
- Politician na may konek sa showbiz, hiwalay na sa asawa; guwapong aktor, hiwalay na sa magandang misis
- Male showbiz personality, humagulgol nang di manalo sa MMFF 2023 Gabi Ng Parangal
- Popular male personality, todo-panggap kahit on the rocks sila ng nobya
- Kelvin Miranda on being seen with gay friends: "Nambabakla raw ako."
- Magaling na aktres, aalis sa TV show na napamahal sa kanya dahil sa pambu-bully ni poging aktor