Nabahala ang mga Pilipinong masugid na tagahanga ng Miss Universe nang mapaulat noong Oktubre 2022 na ang Thai transgender billionaire na si Anne Jakrajutatip ng JKN Global Group ang nakabili sa Miss Universe Organization.
Ito ay dahil sa posibilidad na baka paboran niya ang kanyang mga kababayan kaya malabo nang manalo sa naturang patimpalak ang mga kinatawan ng Pilipinas.
Read: Thai billionaire Anne Jakrajutatip bagong may-ari ng Miss Universe
Muling naulit ang pangamba ng Pinoy beauty pageant fans nang kumpirmahin ni Anne ngayong Miyerkules, Enero 24, 2023, ang official partnership nila ni Raul Rocha ng Legacy Holdings ng Mexico para sa Miss Universe.
Sa kanyang social media post, inihayag ito ni Anne: "It’s true, universe! I’ve been working closely with @raulrocha777 and his team since we met at the 71st Show in New Orleans – now that our partnership is official, I can’t wait to make these dreams come true.
“Miss Universe and JKN Global Group are excited to announce a new partnership with the Mexico-based Legacy Holdings for the Miss Universe brand.
"This is a strategic investment for growth that will enhance our international offerings and allow us to create new products and opportunities that uplift, empower, and inspire women to embrace their truest selves.”
View this post on Instagram
Nag-alala ang mga kababayan nating baka lumiit ang tsansang manalo sa Miss Universe ang isang Pilipino dahil sa pagsasanib-puwersa ng Mexico at Thailand.
Nakadagdag sa kanilang alalahanin na idaraos ang 73rd Miss Universe sa Mexico bago matapos ang 2024.
Pero sa kabilang banda, magandang balita na ang Filipino beauty expert na si Olivia Quido-Co ay itinalaga bilang bagong Vice President for Global Partnerships ng Miss Universe Organization.
Hindi nakagugulat ang desisyon ni Anne na maghanap ng kasosyo sa Miss Universe dahil laman ng mga pahayagan sa Thailand ang malaking problema niya sa pananalapi.
Read: Miss Universe Organization owner Anne Jakrajutatip faces debt problem
Ayon sa mga ulat na lumabas, ipinagbili ni Anne kay Rocha ang 50 percent ng Miss Universe Organization sa halagang $16 million.
Pero sa ulat ng The Nation, isa sa mga pangunahing pahayagan sa Thailand, noong Martes, Enero 23, 2024, pinabulaanan ni Anne sa Stock Exchange ng Thailand, sa pamamagitan ng isang official statement, na may bentahang magaganap sa Miss Universe.
“In an official statement to the Stock Exchange of Thailand on Monday, JKN president Jakkaphong Jakrajutatip said that while the group had intentions to seek external investment for the beauty pageant, it had not reached any definitive agreements yet. The statement also denied any imminent sale announcement on Tuesday, countering online speculation.
“Following its IPO in 2017, JKN suffered financial challenges. Its investments importing various media brands created negative cash flow for the past three years.
"In 2022, JKN launched four tranches to acquire the Miss Universe brand along with Miss USA and Miss Teen USA. The group initiated debt rescue proceedings in November last year,” bahagi ng report ng The Nation.
May katuwiran si Anne pabulaanan ang kumalat na balita dahil partnership at hindi pagbebenta niya kay Rocha sa Miss Universe ang nangyari, pero hindi ito sapat na basehan para hindi na siya makatanggap ng mga masasakit na pagpuna.
Muling nakararanas ngayon ng matitinding batikos si Anne dahil mula nang siya ang mamuno sa Miss Universe Organization, hindi na ito nawalan ng mga problema at kontrobersiya.
Para sa nakararami, nabawasan ng kinang at prestihiyoso ang nabanggit na patimpalak.