Ang mga dating runners-up sa Germany-based beauty pageant na Miss Intercontinental na sina Kris Tiffany Janson at Christi Lynn McGarry ang dalawa sa mga opisyal na kandidata sa Miss Universe Philippines 2024.
Kabilang din sila sa Miss Universe Philippines 2024 candidates na lampas na sa tatlumpo ang edad.
Thirty-four years old si Janson nang koronahan siyang Miss Universe Philippines Cebu 2024 noong Pebrero 3.
Samantalang ang 33-year-old na si McGarry ang appointed candidate ng Taguig City.
Beterana nang maituturing sa pageant industry si Janson.
Dalawang beses siyang nagwagi bilang Miss Cebu. Una niyang napanalunan ang korona at titulo noong Enero 2009.
Siya rin ang nanalong Bb. Pilipinas-Intercontinental noong Binibining Pilipinas 2014.
Siya ang second runner-up sa 43rd Miss Intercontinental na idinaos sa Germany noong Disyembre 2014.
Read: Miss Intercontinental 2014 2nd runner-up Kris Janson thanks Filipinos for "prayers and support"
Si McGarry ang successor ni Janson dahil siya ang nagwagi ng Bb. Pilipinas-Intercontinental title noong Binibining Pilipinas 2015.
Hinirang si McGary na 1st runner-up sa Miss Intercontinental 2015 sa Germany.
Read: Christi McGarry admits disappointment over Ms Intercontinental 2015 1st runner-up finish
Gumawa ng kasaysayan si McGarry dahil siya ang kaisa-isang Pilipina na dalawang beses sumali sa Miss Intercontinental.
Unang naging kinatawan si McGarry ng ating bansa sa Miss Intercontinental 2010. Hindi man siya nanalo, nakabilang ang Filipino-American beauty queen sa Top 15 semifinalists.
Kung ikukumpara si McGarry kay Janson, mas beterana siya sa mga beauty pageant dahil nasubukan na niyang sumali sa Miss New Jersey Teen USA 2008, Mutya ng Pilipinas 2010, Top Model of the World 2010, BB.Pilipinas 2015, at ngayon, sa Miss Universe Philippines 2024.
Inaabangan ito dahil ang successor at predecessor ng Bb. Pilipinas-Intercontinental title noong 2015 at 2014 ay kabilang sa mga mahigpit na maglalaban.
Naniniwala si McGarry na ang pagsali niya sa Miss Universe Philippines 2024 ang tamang lugar at wastong oras.
Sina Anne Curtis, Michelle Dee, Kylie Verzosa, at ang mga batchmate niya sa Binibining Pilipinas 2015 na sina Reina Hispanoamericana 2017 Winwyn Marquez at Miss Universe 2015 Pia Wurtzbach ang ilan sa mga personalidad na suportado ang Miss Universe Philippines 2014 bid ni McGarry.