Ang malaking problema sa pananalapi ang dahilan kaya bilang na umano ang mga araw sa telebisyon ng isang programa.
Sa kasalukuyan, pinag-uusapan at pinag-aaralan na ng mga namamahala sa produksiyon ang ipapalit sa programang maaaring maisalba pa kung malulutas ang problema sa perang milyun-milyon na ang halaga.
Maraming mga manggagawa sa telebisyon ang maaapektuhan, kabilang ang mga artistang mga bida ng programa, kapag natuloy ang pamamaalam nito.
Tumutulong sa paghahanap ng solusyon sa mabigat na problema ang aktor na bahagi ng programa.
Sinamahan ng aktor ang TV executive nang makipagpulong ito sa mga advertiser para patuloy na suportahan ang kanilang show na nahaharap sa malaking pagsubok.
Malalaman sa mga susunod na araw ang magiging kapalaran ng programa dahil marami na ang mga kuwentong naglalabasan kaya mahirap nang makontrol ang mga balita at ilihim ang sitwasyong pilit na pinagtatakpan.