Marami ang hindi nakakaalam na si Miss Universe owner Anne Jakrajutatip mismo ang unang naglabas sa social media ng mga akusasyon niya laban kay Paula Shugart, ang dating presidente ng Miss Universe Organization.
Nangyari ito noong Pebrero 9, 2024.
Hindi agad lumaki at pinag-usapan ang balita tungkol sa mabibigat na paratang ni Jakrajutatip laban kay Shugart dahil isinulat niya sa Thai language ang kanyang mga post sa social media platform na X (dating Twitter).
Ang mga bintang ni Jakrajutatip ang nag-udyok kay Shugart para sumagot sa pamamagitan ng isang Instagram post noong Lunes, Pebrero 19.
Isiniwalat ni Shugart na pinag-aaralan nitong sampahan ng kaso ang Thai transgender billionaire dahil sa pahiwatig nitong corrupt siya at tumanggap ng “under the table money to secure placements in Miss Universe competition.”
Read: Ex-Miss Universe President Paula Shugart slams Anne Jakrajutatip for corruption allegations
Sa isinalin sa Ingles na Thai post ni Jakrajutatip sa X, hindi maitatanggi na si Shugart ang tinutukoy niya sa kanyang pahayag na ito: “A corporate culture that has allowed one woman to do her own thing for 25 years is very dangerous for her to be able to do whatever she wants… under the table…anywhere.”
Sinabi rin ni Jakrajutatip, “Clean for transparency!!! Eliminate corruption completely…eliminate evil… eliminate words that are not constructive… and eliminate behind-the-scenes actions to destroy owners caused by jealousy.”
Dagdag pa ni Jakrajutatip, “Firing [or to put it politely, inviting me out] and resigning are different things…no one resigns!!!
“Only I gave the full amount of money legally and then found the right time, which is a little over 1 year has passed.. after that
“Come out of the house” to cleanse and create prosperity in the universe.”
Noong Miyerkules, Pebrero 21, iniulat ng The Nation, isang broadsheet newspaper sa Thailand, ang paglilinaw ni Jakrajutatip na hindi nag-resign si Shugart kundi tinanggal sa puwesto.
Nakasaad sa artikulo, “Anne called for transparency and reforms within the organization, clarifying that Shugart had not departed voluntarily but was removed.”
Nababanggit sa kaguluhang nangyayari sa pagitan nina Jakrajutatip at Shugart si Olivia Quido, ang U.S.-based Filipino estethician na itinalaga ni Jakrajutatip bilang vice-president for global partnerships ng Miss Universe Organization.
Read: Olivia Quido-Co joins Miss Universe 2022 selection committee
Sa kanyang social media posts noong Pebrero 9, pinasalamatan ni Jakrajutatip si Quido dahil tinanggap nito ang inialok niyang posisyon.
Mensahe niya, “Thank you for accepting the role as Vice President of Global Partnerships You are one of the brightest stars in the Universe @oliviaquido.
“I’m so grateful having you as one of my best friends, great business associate and excellent member of our Miss Universe Organization!
“Finally, I can have someone who I can really trust on building relationships with customers.
“You will become my eyes and ears without having any fear to report the truth.
“You’re the great example of the successful Filipina and the country should be proud of you. With My Love and Respect to you!”
View this post on Instagram
Tumanggap si Jakrajutatip ng mga batikos dahil sa kanyang sinabing si Quido ang magiging mata at tenga niya sa Miss Universe Organization.
Sa kabilang banda, may mga nagmamalasakit na nagbabala sa Filipino businesswoman na maging maingat ito sa Miss Universe owner na hindi nawawalan ng mga kinasasangkutang kontrobersya.
Read: Miss Universe Organization owner Anne Jakrajutatip faces debt problem
Nang dumami ang mga kritisismo sa kanyang post tungkol kay Quido, inalis o ipina-edit ni Jakrajutatip sa Instagram at X posts nito ang pangungusap na pinag-ugatan para putaktihin siya ng mga basher—" You will become my eyes and ears without having any fear to report the truth."