Global Force Award ang parangal na ipinagkaloob kay Sarah Geronimo sa Billboard Women in Music Awards 2024 na ginanap sa YouTube Theater, Inglewood, California, nitong Marso 6, 2024 (Marso 7 sa Pilipinas).
Read: FIRST LOOK: Sarah Geronimo at Billboard's Women in Music Awards 2024
Sa panayam sa kanya sa blue carpet ng hosts na sina Rania Aniftos at Lilly Singh, hindi nakalimutan ng Pop Royalty ng Pilipinas na parangalan at purihin ang ina niyang si Divine Geronimo.
“Shoutout to my mother, Mommy Divine Geronimo.
"You are the best! You are my hero!
"I love you very much. I cannot imagine myself being a mother.
"All the sacrifices a mother has to do for their child, it’s mindblowing,” nakangiting sabi ni Sarah.
Ikinatuwa ng mga Pilipino ang pagpupugay na ginawa ni Sarah sa kanyang ina na malaki ang kontribusyon sa singing career niya at sa kung ano siya ngayon.
Tuwang-tuwa ang mga tagahanga ni Sarah dahil sa karangalang kanyang natanggap at sa pakikipagsabayan niya kina Lilly at Rania sa pagsasalita ng American language.
Hindi mahahalata ang kabang nararamdaman ni Sarah.
Pero kung kilala natin ang singer-actress, tiyak na magbibiro siya tungkol sa kanyang “nosebleed” moment.
Nang tanungin tungkol sa reaksiyon niya sa parangal na matatanggap, sabi ni Sarah, “It’s very unexpected, I mean, to be considered a Global Force.
"And, for me, a Global Force means having that influence, that power to influence people. And it also scmes with a big responsibility.
“You have to be mindful about the materials that you put out there. So you have to create change and positivity towards other people.”
Read: Sarah Geronimo, may mensahe para kina Mommy Divine at Daddy Delfin
Hiningi rin ang kanyang opinyon tungkol sa Women in Music.
Sabi ni Sarah, “Women are beautiful. Women are strong.
"And now that I am married, I understand how marriage can be difficult sometimes.
“Men are beautiful as well. The way they manage, they cope up with everything that goes on with our minds as women.
"I also would like to salute men on how they care of us women."
Tanong pa niya kay Rania, “Are you a mother, Ma’am?”
Nagkaroon din ng pagkakataon si Sarah na sabihing “fur parent” siya.
View this post on Instagram
Kasama ni Sarah na dumalo sa nabanggit na pagtitipon ang kanyang asawa na si Matteo Guidicelli.
Bukod kay Sarah, pinarangalan sa Billboard Women in Music Awards 2024 sina Kylie Minogue (Australia), Karol G (Colombia), Charli XCX at PinkPantheress (England), New Jeans (South Korea), Tems (Nigeria), Luisa Sonza (Brazil) , Annalisa (Italy), Young Miko (Puerto Rico); Maren Morris, Ice Spice, at Victoria Monét (USA).
Kabilang naman si Katy Perry sa mga dumalong music personality.