Ang Pop Diva na si Kuh Ledesma ang unang Filipino entertainment personality na nagsilbi bilang hurado sa 40th Miss Universe na naganap noong Mayo 17, 1991 sa Las Vegas, Nevada, USA.
Si Lupita Jones ng Mexico ang kinoronahan na 40th Miss Universe, samantalang si Maria Lourdes Gonzales ang kinatawan ng Pilipinas sa nabanggit na patimpalak.
Si Anjanette Abayari ang nanalo ng Bb.Pilipinas-Universe title sa 28th Bb.Pilipinas noong Marso 3, 1991, pero nagkaroon ng isyu sa Philippine residency niya kaya binawi ang kanyang korona.
Si Gonzalez—na nagwagi na 1991 Bb.Pilipinas-Maja—ang ipinalit kay Anjanette at ipinadala sa 40th Miss Universe, pero hindi siya pinalad na manalo o magkaroon ng puwesto.
KUH'S EXPERIENCE AS JUDGE OF MISS UNIVERSE
Nang bumisita si Kuh sa Fast Talk with Boy Abunda noong Biyernes, Marso 8, 2024, tinanong siya ni Boy tungkol sa kuwento ng pagkakapili sa kanya bilang hurado sa 40th Miss Universe.
"They asked kung sino yung popular sa Pilipinas," ang sagot ni Kuh.
"Also my friend, Fritz Friedman. I have to thank him for that. He was the one who suggested me."
Read: Sharon Cuneta, Martin Nievera, Kuh Ledesma walang talent fee sa concert ni Odette Quesada
KUH LEDESMA'S BEAUTY SECRET
Napag-usapan ang partisipasyon ni Kuh sa 40th Miss Universe dahil kahit tatlumpo’t-tatlong taon na ang nakararaan, taglay pa rin niya ang Pilipinong-Pilipino na kagandahan.
Hindi isiniwalat ni Kuh ang tunay na edad.
Pero ibinahagi ng batikang singer ang sikreto ng pananatiling bata ng kanyang itsura— ang malakas na pananalig niya sa Panginoong Diyos.
"Ang sikreto is I have to give glory to the Lord. It’s only by God’s grace and because I already have a personal relationship with my Lord and Savior Jesus Christ," ang rebelasyon ni Kuh.
"I have so much peace. I have contentment. I know the purpose of my life.
"I get excited waking up early in the morning, and because of that, buhay ang feeling ko.
"It’s also intentional that I also get enough sleep, although I haven't been getting enough sleep. Sometimes, four hours, six hours, ang dami na nun.
"If I get eight hours of sleep, siguro once every two weeks, wow ang saya-saya ko na. Ang sabi ko nga, if I could even have yung ganyang kahabang sleep, I can do two concerts in a day. Ganoon ako kalakas.
"It’s intentional that I take care of myself. First of all, I don’t drink, I don’t smoke. I am always doing my best to be healthy, do some exercise."
Read: Kuh Ledesma keeps busy with singing career, Hacienda Isabella
ALL FOR GOD'S GLORY
Bukod sa pagkakaroon ng disiplina sa katawan at pagtitiwala sa Panginoong Diyos, sinabi ni Kuh na malaki ang kinalaman ng kanyang ina sa pagiging bata ng itsura niya.
"I also have to give credit to my mother. Even when she was 83, ang ganda pa rin ng katawan niya, ng skin niya. May genetic factors.
"Sinasabi ko rin kay Lord, 'Lord, keep the beauty of Kuh Ledesma. Make me more beautiful as I get older so that I can give You glory.
"Ibig sabihin, kapag tinanong ako, 'Bakit ang bata mo pa rin?'
"Si Lord! Yun ang gusto ng Panginoon.
"I divulged my age one time in a rehab because I go to rehabs, I talk to them.
"Sabi ko, 'When you’re with the Lord, He will make you look young. Life si God.
"When I said my age, sabi nila, 'No! No!' That was fun."