Isang surpresa para sa singer-actress na si Nicole Omillo na siya ang nagwaging best supporting actress sa CinePanalo Film Festival na naganap noong nakaraang buwan, Marso 2024.
Nanalo si Nicole para sa kanyang pagganap sa Boys at the Back at hindi niya inaasahan na mapapansin at pararangalan ang kanyang ipinamalas na pag-arte.
“I honestly was surprised, I didn’t know what to feel. It took a while for it to sink in because I’ve never been awarded before about acting.
“Malaking-malaking bagay po sa akin itong award dahil never in my life, I thought of getting acknowledged with my acting.
“Lalo na’t grabe yung judging factors at magagaling ang mga kasabayan ko na nominees. It was surreal,” pahayag ni Nicole sa Cabinet Files.
May katwiran para magulat si Nicole dahil nagsimula noong 2015 ang kanyang singing career at makalipas ang tatlong taon, saka pa lamang siya binigyan ng mga acting assignment ng Viva Artists Agency, ang talent management company na namamahala sa showbiz career niya.
“My first acting was a series called Class 3C Has A Secret Season 2 on Sari-Sari Channel and more kept coming.
“In films naman po, I had a few appearances and I’ve gotten impactful roles naman po that helped me learn a lot from different directors and actors.
“At the moment both acting and singing are my priorities since I’m currently doing a musical in PETA, One More Chance The Musical featuring the music of Ben & Ben,” lahad ni Nicole na gumaganap na Basha, ang lead character sa One More Chance, The Musical.
Tulad ng ibang mga artista, nangangarap si Nicole na mabigyan ng launching movie at kung mabibigyan ng oportunidad, gusto niya ang mga proyekto na may drama, action, at comedy.
Ang humiling siya ng workshop para sa isang kissing scene ang isa sa mga hindi makalilimutan at itinuturing ni Nicole na nakakahiyang karanasan niya bilang artista.
"I asked for a workshop just for a peck kiss because I’m very uncomfortable and not used to anything like that na kahit peck lang yung kiss.
"Nag-request talaga ako ng workshop. Nakakahiya!” kuwento ni Nicole na ipinarating ang pasasalamat sa lahat ng mga sumusuporta sa kanya at sa showbiz career niya.
“Maraming- maraming salamat that you guys are there. Never in my dreams did I ever think I would have 'fans' or 'fandom' until now, wala naman.
“What I have is a 'FANmily.' I call them my 'Ninis' or 'MiNis.' I truly adore and appreciate each one of you. Lahat ng ginagawa ko kayo ang nagpapalakas sa akin. Salamat sa lahat. Mahal na mahal ko kayo.”