Hindi itinatanggi ng isang aktor ang pagiging babaero nito noong kabataan niya at natatawa siya sa tuwing napag-uusapan ang kanyang kapusukan.
Kahit may relasyon na sila ni Actress A, na may magandang mukha, pumatol pa rin ang aktor kay Actress B bago ito nagdesisyong magpaseksi sa pelikula.
Read: Aktres, malalim ang galit sa aktor na katrabaho sa teleserye
Masalimuot ang kuwento dahil matalik na magkaibigan noon sina Actress A at Actress B.
May mga condominium unit na pinarerentahan ang aktor.
Dahil naghahanap ng pansamantalang matitirhan si Actress B, pinakiusapan ni Actress A ang boyfriend nitong patirahin muna si Actress B sa isa sa mga pinauupahang unit.
Pinagbigyan ng aktor ang kahilingan ng kanyang girlfriend.
Pero nagkamali si Actress A sa pagtulong kay Actress B dahil nakipagrelasyon ito sa boyfriend niya.
Read: Aktor, nabuking ang tangkang pamboboso ng photographer
NOT JUST "AS A FRIEND"
Malakas ang loob ng aktor dahil isinasama nito si Actress B sa shooting ng kanyang pelikula sa malayong probinsiya, at hindi siya nagpakita ng pag-aalala na puwedeng makarating sa girlfriend niya ang pagtataksil na ginagawa nila.
Hindi puwedeng sabihin ng aktor na "as a friend" lamang ang pagpunta nila ni Actress B sa lalawigan dahil marami ang saksi sa kanilang intimate moments.
Hindi pa uso noon ang social media pero mabilis na nakarating kay Actress A ang panglolokong ginawa ng kanyang boyfriend at ng kapwa aktres na tinulungan at itinuring niyang kaibigan.
Si Actress B ang isa sa mga ugat ng paghihiwalay ng aktor at ng kanyang girlfriend.
Nakaramdam na ng pagod si Actress A dahil hindi nawawalan ng babaeng nauugnay sa boyfriend niya.
May kanya-kanya nang karelasyon ngayon ang tatlo. Maligaya na sila sa piling ng kanilang mga asawa at tahimik na ang mga pamumuhay nila.
Sa tuwing napag-uusapan ang kapilyuhan sa babae at makulay na love story ng aktor, natatawa na lamang ito lalo na kapag tinutukso siyang "tinira" at hindi lamang niya basta pinatira sa pag-aaring unit si Actress B, na hindi naging tunay na kaibigan kay Actress A.
Read: Two-timing actor, nasampal ng controversial personality