Nagkaroon ng positibong resulta ang itinuturing ng publiko na negatibong pagtrato ng pamunuan ng 72nd FAMAS sa veteran actress na si Eva Darren.
Read: Eva Darren, dinisrespeto sa 72nd FAMAS Awards?
Bukod sa lifetime achievement awards na tatanggapin nito mula sa iba't ibang award-giving bodies sa mga susunod na buwan, nakatanggap ng mga alok na TV guesting ang veteran actress.
Read: Eva Darren at Carlo J. Caparas, pararangalan sa 7th EDDYS
Read: KathDen, Eva Darren among 2024 Gawad Dangal awardees
Isang malungkot na katotohanan ang nangyari kay Eva.
Kung hindi pa ito nakaranas ng pang-aagrabyado sa Gabi ng Parangal ng 72nd FAMAS, hindi siya mapapansin ng mga kasamahan niya sa industriya at hindi ibibigay ang respetong karapat-dapat sa kanya at sa ibang mga beteranong artistang hindi tinatrato nang wasto.
EVA DARREN ON FAMILY FEUD
Nag-taping si Eva para sa Family Feud Philippines, ang top-rating game show ni Dingdong Dantes sa GMA-7, noong Miyerkules, Hunyo 6, 2024.
Kasama ni Eva na naglaro sa Family Feud ang kanyang pamilya. Nakatunggali nila ang grupo ng mga kapwa niya mga beteranong artistang sina Divina Valencia at Roger Calvin.
Si Divina ang isa sa mga masugid na nagtanggol kay Eva nang balewalain ang pagdalo nito sa Gabi ng Parangal ng 72nd FAMAS noong Mayo 26, 2024 sa Manila Hotel dahil hindi tinupad ang pangakong isa siya sa mga award presenter.
Read: Divina Valencia, nagsalita sa Eva Darren-FAMAS issue
Kabilang sina Divina at Roger sa mga tumanggap ng parangal na Iconic Movie Actress/Actor of the Philippine Cinema, pero hindi natakot si Divina na batikusin ang pamunuan ng 72nd FAMAS.
Ayon kay Divina, “Nakapanghihinayang ang legacy ng FAMAS na nauwi lang sa basura for the past few years back.”
Kakampi rin nina Divina at Roger sa Family Feud ang former FAMAS PRO na si Renz Spangler, na nagbitiw sa kanyang tungkulin dahil sa kahihiyang nangyari kay Eva sa Gabi ng Parangal ng 72nd FAMAS.
Si Spangler ang nag-imbita kay Eva para maging isa sa mga award presenter sa pinakamatandang award-giving body na nawalan na ng kredibilidad, ayon pa rin kay Divina.
Read: Divina Valencia, kinuwestiyon ang kredibilidad ng FAMAS
