Kinumpirma ng isang nakakaalam sa kuwento na totoong nagkaroon ng negosasyon sa pagitan ng mga executive ng isang TV network at sa kampo ng kontrobersiyal na showbiz personality para sa paglipat nito.
Pero humantong sa wala ang kanilang pag-uusap.
Read: Showbiz personality, iiwan ang kasalukuyang istasyon?
Hindi nagkasundo ang magkabilang-panig.
Hindi maibibigay ng TV network management ang ilan sa mga hinihiling ng namamahala sa showbiz career ng artistang muntik-muntikan nang umalis mula sa kanyang home studio.
At dahil walang nangyari sa sikretong negosasyon, mananatili ang showbiz personality sa TV station na nagsilbing pangalawang tahanan niya.
Maaaring itanggi ng kampo ng showbiz personality ang naganap na lihim na pag-uusap, pero mapatutunayan ito ng mga tauhan ng TV network na kasali at saksi sa nabasurang negosasyon.