Hindi lamang ang model at aspiring actor na si Zuher Bautista ang camper ng Sparks Camp Season 2 na may koneksiyon sa showbiz.
Kasali rin sa queer dating reality show si Francis “Paco” Laurel Sanz.
Gaya ni Zuher, inilantad ni Paco sa Sparks Camp na miyembro rin siya ng LGBTQIA+ community.
Dahil parehong commercial models ang dalawa, sila ang pinagkukumpara at pinagtatapat ng kanilang kapwa campers at ng mga tumatangkilik sa programa.
Read: Zuher Bautista, closeted gay actors karamihan ng nakarelasyon
PACO LAUREL'S SHOWBIZ AND POLITICAL CONNECTIONS
Si Paco ay apo ni former Philippine Vice-President Salvador "Doy" Laurel (November 18, 1928 - January 27, 2004) at apo sa tuhod ni dating Pangulong Jose Laurel (March 9, 1891 – November 6, 1959).
Pinsan ni Paco ang singer-actress na si Denise Laurel at ang fashion designer na si Rajo Laurel.
Lola nila ang singer, painter, at theatre actress na si Celia Diaz-Laurel (May 29, 1928 – July 12, 2021).
Tiyo ni Paco ang aktor at singer na si Cocoy Laurel, na kapatid ng kanyang ina na si Stella Laurel Sanz.
Si Stella ang ikaanim na anak nina Doy at Celia. Binawian siya ng buhay noong Nobyembre 2006.
PROUD BISEXUAL FROM QUEZON CITY
Proud bisexual mula sa Quezon City ang pakilala sa sarili ng 28-year-old artist at model.
Pinili ni Paco na lumahok sa Season 2 ng Sparks Camp para ipabatid sa publiko ang kanyang tunay na sexual orientation.
Read: Mela Habijan on Sparks Camp campers: "Mayroong NBSB, mayroon namang jaded na sa pag-ibig."
Pagbabahagi ni Paco tungkol sa kanyang sarili: “I do UI/UX design and I also do modelling on the side.
"So when I am not working, I am usually playing video games, watching horror movies, and maybe that’s why I am so traumatized as a person.
“I am used to being alone and, you know, that’s why I am here ‘coz I kind of wanna get out there and have fun.
“The world is telling me to socialize more so I am shooting my shot and, you know, I am trying to flirt, and that’s why I am here.
“Humor is a must for me and I prefer somebody who can just share my peace.”
Binansagan si Paco sa Sparks Camp bilang "Dashing Prince ng Quezon City."
Ang Sparks Camp ay napapanood sa YouTube channel ng Black Sheep Productions.