Prangka at intelihente pero hindi nakakainsulto ang reaksiyon ni Bb. Pilipinas-Universe 1987 Geraldine "Pebbles" Asis sa komento ng isang netizen tungkol sa hitsura ng former beauty queen-actress nang dumalo siya sa Binibining Pilipinas 2024 sa Araneta Coliseum, Cubao, Quezon City, noong July 9, 2024.
Read: Former Bb. Pilipinas titleholders, muling nasilayan ng publiko
“What happened to her? She looks different... old age?" komento ng netizen sa video ng red-carpet walk ni Pebbles sa diamond jubilee ng Binibining Pilipinas na makikita sa official Facebook page nito.
Imbes na mainsulto, maayos itong sinagot ang 60-year-old former Binibining Pilipinas titleholder.
Sabi niya sa netizen, “yes.. oldness.. make up.. hairdo..
“that’s what happens when 1005 wrinkles, sagging skin.. dark spots.. big tummy, varicose veins.. dead hair and all the 101 years covered up.
"It’s no joke. Take it easy.”
PEBBLES ASIS REACTS TO NETIZENS' COMMENTS
Sinagot din ni Pebbles ang reaksiyon ng isang beauty pageant fan na nasubaybayan ang pagsali niya sa Binibining Pilipinas 1987 at nagpaalalang walang-wala sa plano noon ni Pebbles na maging beauty queen.
Aksidente lamang ang pagiging fashion model at beauty queen ni Pebbles noong 1987.
Read: Binibining Pilipinas 2024 sidelights: sino ang mga agaw-eksena?
Komento ng netizen: “Kung alam lang nila kung paano ka bumulaga on stage and beating the well-knows. Anak ng artista, girlfriend ng mga artista, model ng sikat na fashion designer, queens ng mga kilalang school.
“Yung inihatid lang yung kaibigan sa hotel at nakita ka and they pulled you in because of your towering height and Eurasion features.”
Reaksiyon ni Pebbles: “Namannn...
“Senti moment least I expected. Love is!
"Accidental beauty contestant and look now. Another wrinkle of haunting oldness is worth 100K views."
Pinasalamatan din ni Pebbles ang mga taong nagtanggol sa kanya.
Aniya, “Thank you all for the kind words. Sincerely.”
Hindi na umimik o nagsalita pa ang netizen na tila hindi matanggap ang katotohanang tumatanda ang mga tao, pati na lang lahat ng bagay sa buong mundo.
Nanahimik na lamang ang netizen na binuweltahan ng mga dumepensa kay Pebbles.
Sabi ng isa, Tatanda ka din.”
Ayon naman sa isa, “Old age? Ano ba dapat? Parang Benjamin Button. Magmukha siyang baby? May utak ka ba?”
Buwelta pa ng isang netizen, “What do you expect po? 1987 pa po yun. It’s normal po. Wrinkles are normal po.”
Dagdag ng isa, “And what happened to your common sense? She was from 1987. Ano ine-expect mo? How about you? Your old, not too old but stupid!”
Paaala naman ng isa, “Akala n’yo naman sa mga beauty king and queen, di nagkakaedad? Mga tao din yan. Napi-pressure tuloy sila kung paano mapanatili yung dati nilang anyo. Maganda din naman sila sa kasalukuyang edad nila. Lalo na yung mga nauna.”
Papuri naman ng isa, “Pebbles Asis aging gracefully. It’s all about being healthy and happy.We are so proud of you Pebbles Miss Universe 1987 Top 10 semifinalist.”
Read: Bb. Pilipinas, nagbigay-pugay sa mga pumanaw na titleholders
PEBBLES ASIS BINIBINING PILIPINAS JOURNEY
Tatlumpo’t pitong taon na ang nakararaan mula nang koronahan si Pebbles na Bb. Pilipinas-Universe noong 1987.
Twenty-three years old si Pebbles nang maging kinatawan siya ng Pilipinas sa Miss Universe 1987 na idinaos sa Singapore noong May 27, 1987.
Hindi man sinuwerteng manalo, kasama si Pebbles sa Top 10 semifinalists ng 36th Miss Universe.
Nang bumalik sa Pilipinas, kinuha siya ni Dolphy na kapareha sa Action is Not Missing, ang pelikula na official entry sa Metro Manila Film Festival 1987.