Ang 21-year-old breast cancer survivor na si Suchata “Opal” Chuangsri ng Bangkok ang nanalong Miss Universe Thailand 2024.
Ginanap ang coronation night sa MCC Hall, The Mall Lifestore, Bangkok, Thailand, nitong Linggo, Hulyo 14, 2024.
Labing-anim na taon si Opal nang sumailalim sa breast removal surgery dahil sa kanser kaya ang breast cancer awareness ang kanyang isinusulong na adbokasiya nang sumali siya sa Miss Universe Thailand 2024.
Si Opal ang isa sa mga makakalaban ni Miss Universe Philippines 2024 Chelsea Manalo sa 73rd Miss Universe na idaraos sa Mexico bago matapos ang 2024.
Read: Chelsea Manalo wins Miss Universe Philippines 2024
FILIPINO-MADE GOWN
May malaking kontribusyon sa tagumpay ni Opal sa Miss Universe Thailand 2024 ang Filipino fashion designer na si Rian Fernandez dahil ito ang gumawa ng kanyang evening gown.
Maligayang-maligaya si Fernandez dahil sa kasaysayan ng Miss Universe Thailand, siya ang kauna-unahang international designer na nagwagi sa naturang patimpalak.
Sa kanyang social media post, sinabi ni Fernandez: "Dreams do come true with unwavering belief and an extraordinary team by your side.
“As the first international designer to win in Miss Universe Thailand’s history, my heart overflows with gratitude to my RF artisans, Dadi Enchiong Cambay and Mark Brent who brought my vision to life. To the whole Bangkok team of our Queen Opal Suchata, Pond Omyim, Waroat Teepobpaiboon, @tr._ball @chisanucha.tht , thank you for the full trust that you gave to my team!
“Together, we shattered boundaries and painted an ensemble of collaboration, love, and triumph. This is not just a win; it's a testament to the power of dreams and the strength of unity. Forever grateful, forever inspired.”
View this post on Instagram
Kinikilala sa iba’t ibang mga bansa ang husay ni Fernandez bilang fashion designer.
Ang evening gown na ginamit ni R’Bonney Gabriel nang manalo itong Miss Universe 2022 noong Enero 14, 2023 ang isa mga nilikha ni Fernandez na world-class caliber at tunay na maipagmamalaki ng Pilipinas.
Read: R'Bonney Gabriel wears exquisite Rian Fernandez gown for final walk as Miss Universe 2022
View this post on Instagram