Nagsalita si Heart Evangelista sa Fast Talk with Boy Abunda ngayong Lunes ng hapon, Hulyo 29, 2024, tungkol sa kalagayan ng kanyang mister na si Senate President Chiz Escudero.
Noong Abril 5, 2024 ay kumalat ang balitang nagkaroon ng stroke si Escudero kaya isinugod siya sa St. Luke’s Medical Center, sa Taguig City, pero hindi malinaw ang tunay na karamdaman niya.
Read: WHAT PEP KNOWS: Senator Chiz Escudero rushed to hospital because of a stroke?
Lumitaw ang iba’t ibang mga haka-haka tungkol sa tunay na kalagayan ng kalusugan ni Escudero, na nahalal na senate president noong Mayo 2024.
“He’s very good,” sagot ni Heart nang kumustahin ni Boy Abunda ang kundisyon ng mister niya.
“He’s super good now. He had an episode.
"It was an episode and it was a scary episode, but it was a wake-up call for all of us to just really make sure that health is wealth.
“And now he’s doing very, very good, everything perfect—and I make sure perfect.”
Pero hindi nito sinabi ang tunay na dahilan kaya dinala noon sa ospital ang asawa niya.
CHIZ ESCUDERO'S HEALTH
Nagiging emosyunal si Heart sa tuwing napag-uusapan ang kalusugan ni Chiz at hindi raw niya makakaya kapag may nangyari sa kanyang asawa.
“If he goes, I go. You jump, I jump. I swear, ako na lang ang mauna!
"Hindi ko talaga kaya. Iiyak na naman ako...
"Hindi ko talaga kaya. Hindi talaga. Huwag naman,” sabi ng aktres.
“You’re very emotional about it?” tanong ni Boy kay Heart.
Sagot ng Kapuso star, “Yes, because it is a cruel world. It’s a mean world.
"And without Chiz, I don’t know how will I survive because he’s my everything.
"Of course, God’s my everything, but mauna na lang talaga ako.”
Nahalal si Heart na pangulo ng Senate Spouses Foundation buhat nang manungkulan si Chiz na senate president.
Ayon kay Heart, isang mapaghamong posisyon ang pagiging pangulo ng foundation.
Saad niya, “It’s very tough. It’s also very tough for me kasi I have a lot of questions, I don’t know what to do.
"I am scared but then, ayoko naman din siya [ Chiz] abalahin pa so I just have to trust my intuition and my heart that I mean well and I’ll do my best.”
View this post on Instagram
Si Heart ang panauhin sa Fast Talk with Boy Abunda dahil sa kanyang muling pagpirma ng eksklusibong kontrata sa GMA Network Inc.
Lubos ang pasasalamat ni Heart sa management ng Kapuso Network dahil sa oportunidad at malaking tiwala sa kanyang kakayahan
“They really gave me an opportunity. That was one of the biggest contract I signed in my life and I am just so so grateful,” pahayag ni Heart.
“And yet to be given an opportunity, thank you so much. Hindi ako poproblemahin ng asawa ko. Kaya ko ulit bayaran yung mga credit card. Thank you so much.”