Mabilis na binura ni Ai-Ai delas Alas ang kanyang Facebook post tungkol sa pagpanaw ni Mother Lily Monteverde noong Linggo, Agosto 4, 2024.
Read: Lily Monteverde, Regal matriarch and showbiz icon, dies at 84
Ang buong akala raw niya ay nakapaglabas na ng opisyal na pahayag ang naulilang pamilya ng founder ng Regal Films.
Bukod sa pagbubura ng kanyang Facebook post, humingi ng paumanhin si Ai-Ai dahil sa pagkakamaling nagawa niya.
Isa si Ai-Ai sa mga kilalang personalidad na bumisita kay Mother Lily sa tahanan nito sa Greenhills, San Juan City, ilang buwan bago pumanaw ang Regal matriarch.
Masayang-masaya si Mother Lily nang makita nito si Ai-Ai.
Nakunan ng video ang kanilang pagtatagpo. Pero hindi puwedeng ibahagi dahil masyadong personal ang palitan nila ng mga anekdota na nakakatawa at kinasasangkutan ng ibang mga sikat na artista.
Sa kanyang binura pero ibinalik na Facebook post, sinabi ni Ai-Ai: “Naiyak ako nung nalaman ko na wala na si Mother …
"yung picture namin sa taas, presscon ng Mighty YAYA ang pinagbidahan ko sa Regal Films 2017, ang saya-saya ni Mother. Binigyan ko sya ng ampaw, pangpa- goodvibes.
“Tapos yung video yung time na dinalaw ko siya, happy din siya kaya lang inaantok siya parate.
“Massage ko yung hands niya and noo niya with the Katinko power.
“Mother super nagpapasalamat ako na kahit hindi ako sikat na Regal baby noon, parati akong kasali sa halos lahat ng Shake, Rattle and Roll.
“Tapos first movie ko pa is Romeo and Juliet with Rene Requiestas sa Regal Films. Hindi kumpleto ang movie career ko kung walang Mother Lily..
"Labyu Mother and maraming salamat sa lahat ng tulong mo sa career ko. My deepest condolences to the family.”
CHARO SANTOS-CONCIO
Dumalaw rin kay Mother Lilyang PEP Editor-in-chief na si Jo-Ann Maglipon noong Pebrero 1, 2024.
Nakasabay ni Jo-Ann sa pagbisita kay Mother Lily si former ABS-CBN President Charo Santos-Concio.
Dahil palaging natutulog si Mother Lily, hindi na ito nakasama sa group photo ng kanyang anak na si Roselle, Jo-Ann, at Charo.
Ngayong Lunes, Agosto 8, isang mensahe ng pasasalamat para sa pumanaw na iconic producer ang ibinahagi ni Charo sa Facebook page nito.
Mensahe niya: “Your confidence in me and unwavering support through the years have been a guiding light in my career as a film producer and media executive.
“Everything I know about mainstream movie making, I learned from you. We collaborated on many unforgettable films, worked closely with writers, directors and artists to develop storylines that resonated with audiences.
“I will be forever in gratitude for your warm friendship. Your presence and enduring impact will be deeply missed. Maraming salamat, Mother Lily. My deepest sympathies to the family and loved ones.”
WILLIE REVILLAME
Naglaan din ng panahon si Willie Revillame para madalaw niya si Mother Lily.
Hinding-hindi makalilimutan ni Willie na nakapagpundar ito ng unang sasakyan dahil sa proyektong ibinigay sa kanya ni Mother Lily noong struggling actor pa siya.
Maligayang-maligaya si Mother Lily nang makita nito si Willie dahil hindi niya inaasahang bibisitahin siya ng TV host na kanyang iniidolo.
Pauli-ulit ang pagsasabi ni Mother Lily kay Willie ng “My idol, my favorite.”
Himalang hindi nakaramdam ng antok at masiglang-masigla si Mother Lily na nakipagkuwentuhan kay Willie .
Nalungkot nang husto si Willie nang makarating sa kanya ang balita tungkol sa pagpanaw ng movie producer na napakalaki ng kontribusyon sa industriya ng telebisyon at pelikulang Pilipino.