Bumalik na sa Los Angeles, California, ang Filipino-American artistic gymnast na si Levi Jung Ruivivar nitong Huwebes ng gabi, Agosto 29, 2024, matapos ang ilang araw na pagbisita sa Pilipinas.
Si Levi ang pinakabata sa mga miyembro ng Philippine Centennial Team na lumahok sa Paris Olympics 2024.
Read: Levi Jung-Ruivivar "really hurt" over homecoming snub
Bago umalis ng bansa, humarap siya sa mga miyembro ng entertainment media bilang bagong contract star ng Viva Artists Agency (VAA), ang talent management arm ng Viva Entertainment.
LEVI RUIVIVAR'S CELEBRITY PARENTS
Pumirma si Levi ng kontrata sa VAA dahil pangarap din niyang pumasok sa show business, tulad ng kanyang mga magulang na sina Anthony Ruivivar at Yvonne Jung na kapwa Hollywood actors.
Nagsimula ang pag-iibigan nina Anthony at Yvonne nang magkasama sila sa crime drama series na Third Watch, na umere mula 1999 hanggang 2005.
Ayon kay Levi, “I’ve always had a passion for entertainment industry. I don’t know if it's just the way I was born or if it has to do, like, my parents both being actors.
“But I actually really, really was pushing both my parents to be able to get more involved in the entertainment industry, like acting, modelling, and brand deals as both in social media.
“Since I was a younger gymnast, I really made it a point to post more consistently and kinda put myself out there.”
Pinili ni Levi na ipaubaya sa VAA ang acting at modelling career niya dahil naniniwala siyang malaki ang maitutulong sa kanya ng nabanggit na talent management agency.
“I felt that signing with Viva was gonna help me more in that deals and I would be able to achieve more my high reaching goals by working with Viva ‘coz there’s always so much that you can do on your own through, like, social media.
“So I was really hoping that by signing with Viva, I would be able to reach to a larger audience and the audience, specifically in the Philippines as well.”
Read: Why Aleah Finnegan, Emma Malabuyo missed homecoming activities
JULIA BARRETTO LOOKALIKE?
Si Julia Barretto ang isa sa mga artista ng VAA na gustong makatrabaho ni Levi dahil marami ang nagsasabi sa kanyang magkamukha sila.
“In terms of movies and stuff like that, we have to do more research, but a lot of people say I look like Julia Barretto. So, I guess, she’s my long lost sister."
Dagdag pa niya, “When I was younger, I did some voiceover work and I did a short film called Girl Power.
“And I did the voice of one of the characters on Doc McStuffins who’s actually Filipino characters, it’s a kid show.”
Ang Doc McStuffins ang animated children’s TV series na matagal na napanood sa Disney Junior channel.
Hindi lamang ang boses ni Levi ang ginamit sa Doc McStuffins dahil binigyang-buhay rin ang ilan sa mga karakter ng popular animated children’s television series ng mga boses ng mga sikat na personalidad tulad nina David Copperfield, Molly Ringwald, Jim Belushi, Lisa Loeb, Gina Davis, at Ellen Pompeo.