Idinaan sa pagkanta ni American Idol Season 7 runner-up David Archuleta ang imbitasyon niya sa mga Pilipino para panoorin ang kanyang concert sa New Frontier Theater, sa Setyembre 14, 2024, ang The Best of David Archuleta Live.
Inawit ng 33-year-old American singer ang sariling cover version niya ng OPM songs na "Nandito Ako" at "Forevermore" sa pag-iimbita niya sa kanyang mga tagahanga na Pilipino.
Read: David Archuleta serenades Pinoy fans with version of South Border's Rainbow
“Philippines, finally I will be coming back to Manila for the Playback Presents The Best of David Archuleta and I just can’t wait to sing again some of my favorite songs that I did over there like 'Nandito Ako' or 'You are the dream that I once knew. I never thought I will be right for you...'” ang pakantang imbitasyon ni David.
“So come and just sing your heart out with me. I can’t wait to see all my Pinoy Archies again and just my love for the Philippines and here’s to making more memories with you all.”
FIRST PERFORMANCE IN THE PHILIPPINES AFTER SEVEN YEARS
Sa kanyang muling pagbisita sa Pilipinas, masusubukan kung marami pa rin ang mga Pilipinong sumusuporta kay David.
Lumawak ang fan base ni David sa bansa nang magbida siya sa Nandito Ako, ang television mini-series ng TV5 na pinangunahan nila ni Jasmine Curtis Smith noong 2012.
Pitong taon na ang nakalilipas mula nang huling magtanghal si David sa Kia Theater noong Oktubre 20, 2017.
Isinapubliko ni David ang pagiging miyembro ng LBTQIA+ community noong Hunyo 12, 2021.
Read: American Idol alumnus David Archuleta umaming miyembro ng LGBTQIA+ community
Malalaman ni David sa pagbabalik nito sa Pilipinas kung nagbago ba ang pagtanggap ng Filipino fans niya matapos ang pag-amin tungkol sa kanyang tunay na sexual orientation.
Ang rebelasyon ni David na gay siya ang dahilan ng kanyang pagtiwalag sa religious community na matagal na kinaaniban ng pamilya nila, ang The Church of Jesus Christ of Latter-day Saints o Mormon church.
"For my own mental health, I can't keep putting myself in a place where it's so conflicting where they say, 'We love you so much, but at the same time, you must change who you are. Oh, you can't? Then we're going to ignore this problem,'" pahayag ni David sa isang panayam sa kanya tungkol sa pagtiwalag niya bilang matagal na miyembro ng Mormon Church.
Read: David Archuleta reveals reason for stepping back from Mormon church after coming out