Ang talent manager na si Leo Dominguez at ang Regal Entertainment, Inc. producer na si Mother Lily Monteverde ang dalawang taong malapit sa puso ni Lovi Poe.
Parehong nawala sa buhay ng aktres ang dalawa sa loob lamang ng tatlong buwan.
Binawian ng buhay si Leo noong Mayo 23, 2024.
Namayapa si Mother Lily noong Agosto 4, 2024.
Related Stories:
- Leo Dominguez, veteran talent manager, dies
- Lily Monteverde, Regal matriarch and showbiz icon, dies at 84
LOVI POE ON LOSING LEO DOMINGUEZ, MOTHER LILY
Sa pakikipag-usap ng Cabinet Files kay Lovi, ibinahagi nito ang kalungkutang nararamdaman dahil sa pagkawala ng mga personalidad na malaki ang kontribusyon sa kanyang pagkatao at bilang aktres.
Si Leo ang long-time talent manager ni Lovi bago ito bawian ng bahay.
Si Mother Lily naman ang isa sa nagtiwala sa kakayahan ni Lovi bilang isang aktres sa pamamagitan ng pagkuha nito sa kanyang serbisyo sa mga pelikula ng Regal.
Saad ng aktres: “It’s very sad.
"This year has been tough because yung mga instrument sa buhay ko, suddenly they passed on. It’s not easy,
“Si Tito Leo, hindi ko siya manager. He’s like my second mom.
"I basically greet him kapag Mother’s Day and send him flowers.
"That’s how I see him. And then suddenly, you lost that mother.
“Parang napilayan ako, yun ang feeling ko.
"Sometimes, I still cry. It’s not easy but you have to get on with life."
Patuloy ni Lovi: “It’s funny, tinapos niya yung movie ko, Guilty Pleasure, before he passed away.
“We were shooting yung movie poster namin, that was the day he passed on. Magang-maga yung mata ko, iyak ako nang iyak.
“Lahat sila, naghihintay na i-cancel ko yung movie poster shoot namin, pero hindi ako nag-cancel.
"Sabi ko, kung may tao na gusto na pumunta ako sa work, it would be him.
“I would actually get up, I would cry in bed, get up and shower, tapos iiyak na naman ako.
“Then go to the car and cry. Bago ako bumaba ng car, iyak ako nang iyak.
"Pagdating ko sa poster shoot, sabi ko sa makeup artist ko, ‘I need your help.’
“In-ice niya talaga yung face ko, minasahe. And in fairness, yung movie poster naman, parang walang bakas na nangyari sa akin."
Dagdag pa niya, “Ang sabi ko, I am here for the people who believe in me, Tito Leo and Mother Lily.
“That’s why I really want this movie to work. I want people to watch it because isa ito sa mga last film na na-greenlight ni Mother Lily.
"So, I want the people to know and see the project."
Read: Lovi Poe producer ng upcoming film niyang Guilty Pleasure
LOVI'S BEST DECISION
Nang itanong ng Cabinet Files ang pinakatamang desisyong ginawa niya sa kanyang personal at propesyunal na buhay, ang pangalan pa rin ng kanyang pumanaw na manager ang binanggit ni Lovi.
“My manager, having my manager. He was the best decision I’ve ever made and it was destiny,” reaksiyon ni Lovi.
“He was my first manager and without him, I wouldn’t be here.
“He used to pick me up sa school. He used to pick me up sa house to bring me to set. He paid for my acting and singing lessons.
“Yung parang, my God, I was 15 years old when I met up with him.
"I remember we met at a coffee shop in Magallanes [Makati City].
“Isinugal niya lahat and he gave his all. He basically created me.
“He’s not just a manager. He is my second mom, he’s my second dad,” sabi ni Lovi, na pinahahalagahan ang mga aral sa buhay at propesyong itinuro sa kanya ni Leo.