Ang buong 49th floor at penthouse sa isang high-end residential hotel sa Bonifacio Global City ang mga bagong property investment ni Willie Revillame.
Nangyari noong nakaraang linggo ang turnover kay Willie ng mga ari-arian niyang mahigit sa isang bilyong piso ang halaga.
May sukat na 800 square meters at anim na kuwarto ang 49th floor at ang penthouse na binili ni Willie.
Read: Willie Revillame, nabili ang unang kotse dahil kay Mother Lily
Kinuha ni Willie ang serbisyo ng architect na si Ed Calma para i-renovate ang 49th floor at penthouse.
Bukod sa floor tiles na kanyang pinapapalitan, gusto ni Willie ng mas mataas na kisame.
Sinabi ni Willie na una nitong ipakikita sa PEP ang video at larawan ng newly-acquired properties niya kapag natapos na ang renovation dahil ito ang kanyang pangako sa editor-in-chief na si Jo-Ann Q. Maglipon nang magkausap sila.
Plano ni Willie na manirahan sa penthouse ng residential hotel at parentahan ang 49th floor.
May sarili ring helipad ang penthouse.
Kailangan ni Willie ang helipad para sa helicopter na siya mismo ang nagpapalipad sa tuwing pinupuntahan niya ang kanyang private resort sa Puerto Galera at ang bagong bahay niya sa Tagaytay City.
Read: Willie Revillame, dinala kasambahay, driver, staff sa Macau at HK
TAGAYTAY PROPERTY
Bagong bili rin ang bahay niya sa Tagaytay na nagkakahalaga naman ng halos PHP200 million.
Sa mga hindi nakakaalam, si Willie ang dating may-ari ng marangyang residential hotel sa Tagaytay City na ginagamit bilang bahay ng mga karakter nina Janine Gutierrez at Edu Manzano sa Lavender Fields, ang drama series ng ABS-CBN na napapanood sa Netflix.
Tulad ng penthouse ng BGC residential hotel na binili ni Willie, may helipad, maraming guest rooms, elevator, at malawak na bakuran ang dating ari-arian niyang may napakagandang tanawin dahil kitang-kita ang Taal Volcano at ang kabuuan ng Tagaytay City.
Read: Willie Revillame, hindi totoong ipinagbili ang Cavite mansion at yate kay Tony Co