"Ninja" ang pangalang ibibigay ng trans man na Jesi Corcuera sa isisilang niyang sanggol na babae sa Disyembre 2024.
Si Jesi ang StarStruck Season 4 finalist na gumawa ng ingay noong Oktubre 2021 nang sumailalim siya sa breast removal surgery dahil sa kagustuhan niyang maging lalaki ang kanyang anyo.
Read: Jesi Corcuera, proud trans man, expecting first child
Ngayong Oktubre 2024, muling pinag-uusapan si Jesi dahil sa rebelasyong buntis siya na katuparan umano ng pangarap niyang magkaroon ng sariling anak.
Nabuntis si Jesi sa pamamagitan ng artificial insemination.
Ang paghinto sa masculinizing hormone therapy noong 2022 ang isa sa mga unang hakbang na ginawa ni Jesi para magbuntis.
Apat na beses niyang sinubukan ang artificial insemination bago nagtagumpay na mabuo ang sanggol sa kanyang sinapupunan.
Read: StarStruck alumnus and trans man Jesi Corcuera considers surgery scars symbol of freedom
THE PREGNANCY OF TRANS MAN JESI CORCUERA
Sa panayam sa kanya ni Boy Abunda sa Fast Talk with Boy Abunda noong Martes Oktubre 8, inilahad ni Jesi na hindi madali ang proseso ng kanyang pagbubuntis bilang isang trans man.
Diumano, malaki ang kinalaman dito ng pagbabalikan nila ng dating karelasyon na si Camille.
Lahad ni Jesi: “Actually po, bago kami mag-together again, nauna yung plano ko na magka-baby na.
"Parang pumasok si Camille, nag-stop na akong mag-hormones. Kumbaga, planning na talaga, nagpupunta na ako sa hospital.
“Noong time po na yon, IVF [in vitro fertilization] ang plano ko. Pero dahil dito sa Philippines, hindi pa allowed yung case namin sa LGBTQ community, hindi po siya na-push through.
“So, yung pagpasok ni Camille, parang naging sign kasi meron na rin siyang kids.”
Read: Transman PBB housemate Jesi Corcuera admits undergoing surgery
Sa tanong ni Boy tungkol sa kaligtasan ng sanggol na ipinagbubuntis dahil sa hormonal injections kay Jesi, tiniyak nitong walang problema sa kanyang pagdadalang-tao.
Aniya: “Nung mag-try ako ulit na mag-baby, lahat po yon ni-research ko, pati sa endocrinologist ko, yung nagga-guide po sa akin sa hormone replacement therapy.
“Lahat po yon, ni-relay ko sa doktor ko na plano ko mag-baby. Paano magiging safe si baby kung sakaling mabuo na.
“Ideally, six months lang yung hinihinging normal menstruation na bumalik. Pero ako, ginawa ko po na one year para mas sigurado.
"Umabot pa nga ng almost one and a half year kasi marami pang naging balakid.
"Kaya yung in the making talaga ni Baby, halos three years. Kasi, sa decision-making pa lang, sobrang hirap na for me dahil ang dami kong dapat i-consider.”
Binanggit ni Jesi na maliban sa kanyang partner na si Camille, na gusto niyang palaging makita at makasama, wala na siyang ibang napaglihian habang ipinagbubuntis si Ninja.
