Walong pelikula ang opisyal na kalahok sa Sine Sindak, Ang Ika-5 Yugto, ang Halloween-themed film festival na mapapanood sa mga sinehan ng SM Malls.
Magsisimula ito sa Oktubre 30, 2024 at matatapos sa Nobyembre 5, 2024.
Dalawa ang horror movies mula sa Studio Viva at Viva Films na kalahok sa ika-limang taon ng Sine Sindak.
Una, ang Nanay, Tatay na pinangungunahan nina Xia Vigor at Andrea del Rosario.
Read: Mga nanay nina Xia Vigor at Elia Ilano, not on good terms?
Pangalawa, ang Pasahero na pinagbibidahan nina Bea Binene at Louise delos Reyes.
Read: Louise delos Reyes at Bea Binene may panawagan sa mga Pinoy
Ang The Thorn: One Sacred Night (Sengkolo) mula sa Indonesia at House of Sayuri ng Japan ang official entries mula sa iba pang bansa sa Asya.
Kalahok din sa annual horror film festival ng Pilipinas ang mga pelikula mula sa Crystal Sky Entertainment: My Mother’s Eyes, MADS, at V/H/S Beyond.
May isang horror movie mula pa rin sa Crystal Sky Entertainment ang kasali sa Sine Sindak 5, pero malalaman ang pamagat nito sa pamamagitan ng isang official announcement na nakatakda sa Oktubre 15, 2024.
Read: MMFF movies nina Nora, Vilma, FPJ, Dolphy muling mapapanood
HORROR MOVIES FOR PINOYS
Naniniwala ang organizers ng Sine Sindak 5 na magiging matagumpay ang film festival dahil likas na mahihilig sa panonood ng mga katatakutang pelikula ang mga Pilipino.
Higit sa lahat, malaking bagay ang murang presyo ng cinema tickets na nagkakahalaga lamang ng PHP150, samantalang PHP300 ang all-day pass.
Read: 50 MMFF classic films, mapapanood nationwide sa halagang P50
Si Roni Benaid ang direktor ng Nanay, Tatay ng Studio Viva, at proyekto naman ni Roman Perez Jr. para sa Viva Films ang Pasahero.
Pero hindi iniisip ng dalawang direktor na magkalaban sa Sine Sindak 5 ang kanilang mga pelikula.
Ayon kay Direk Roman, “Mapalad tayo na nakapasok parehas ang Studio Viva at Viva Films sa Sine Sindak. Sana yearly.”
Itinuturing niya ang horror movies mula sa Japan at Indonesia ang kakumpitensya ng mga pelikula nila ni Direk Roni.
“Kung competitive [kami], yes, competitive kami sa mga kalaban namin na horror foreign films, sa Southeast Asia. Siyempre, palagi tayong competitive,” saad ng direktor.