Ilang beses na pinigilan ni Lovi Poe na mapaluha nang ilunsad noong Biyernes, Oktubre 18, 2024 ang Love, You by Lovi, ang sariling makeup line niya na kolaborasyon nila ng businessman at RSG Cosmetics owner na si Steve Haw.
Read: Lovi Poe, biktima ng body-shaming noong baguhan pa lang siya
Ginanap ang Love,You by Lovi grand launch sa isang events place sa Quezon City.
Ayon kay Lovi, naging emosyonal siya habang papasok sa lugar ng pagtitipon dahil bumalik sa kanyang alaala ang panahon na nag-umpisa noong 2006 ang showbiz career niya.
"I got a lot of flak nung nagsisimula ako because I was too dark. That made me feel so unpretty,” simulang paliwanag ni Lovi tungkol sa pinanggagalingan ng kanyang pag-iyak.
Una siyang napanood sa Bakekang, ang primetime drama series ng GMA-7 na umere mula Setyembre 11, 2006 hanggang Marso 30, 2007.
Noong panahong iyon ay may standard ang iba na maputi lang ang maganda.
Balik-tanaw ni Lovi: "Imagine, my first television series.
"For me to be able to called beautiful, they wanted to lighten my skin and make me use light foundation, so may different effect yon when you’re younger.
"Can you imagine, di ba, others nga, they make them tan.
"I’d like to say I was one of those stubborn kids. Matigas ang ulo ko in such a way na ‘No!’
"I put my foot down when I was young. Sabi ko, I’m just gonna embrace myself for who I am. We have to stop this makeup and I want something that suits me.
"Kaya malaking bagay ito [Love, You] sa akin."
Read: Lovi Poe wants to spark conversations through her new film
LOVI POE ON SELF-LOVE
Naniniwala si Lovi na hindi dapat ibang tao ang magde-define kung paano tingnan ang sarili.
"I know there are a lot of people who would have these voices around them and telling them that 'you’re not beautiful.'
"People set standards when it comes to beauty, but you know na ikaw lang ang makakapag-fight [para] sa sarili mo kung ano yung sarili mong ganda,” dagdag ni Lovi.
Madalas niyang paalalahanan ang sarili tungkol sa self-love at tunay na kahulugan ng kagandahan.
Lahad pa niya: "Up to this day, I have my moments wherein I have to snap back to reality especially with social media and all the beauty standards na nakikita mo.
"You have to remind yourself everytime to embrace yourself.
"And that’s why we came up with Love, You by Lovi kasi one you bring it out from your makeup kit. I hope this serves as a reminder to be content.
"Kapag tiningnan mo yon, you have to remind yourself that you are beautiful for who you are. It’s a love letter to yourself that no matter whatever it is that you’re going through, it’s just a reminder."
Tulad ng pamagat ng kanyang pelikula na Guilty Pleasure, guilty pleasure ni Lovi ang makeup kaya isang natupad na pangarap ang pagkakaroon niya ng sarili na makeup line.
"Guilty pleasure ko ang makeup.To be honest, even when I go to the gym, nagme-make up ako nang konti. Yung sakto lang."
Milestone rin para kay Lovi ang magkaroon ng sariling negosyo.
"For me, parang I would idolize actors, singers or celebrities that have their own makeup line and I usually admire that.
"Of course, as artists, we branched out into having our own business and I always wanted that, but hindi ko in-expect na mangyayari sa akin.
"It was only a dream that suddenly happened and I am so grateful," ani Lovi.
Read: Lovi Poe, naimpluwensiyahan ni FPJ sa pagpo-produce ng pelikula
LOVI POE PROUD TO BE FLAT-CHESTED
Natatawang nagkuwento rin si Lovi na bukod sa pagiging kayumanggi niya, isyu rin sa kanya noon na hindi siya biniyayaan ng matambok na dibdib.
"It’s not just about makeup. It’s also about being flat-chested.
"Before, trust me, I have these stack of bras na puro sila push up, major padded.
"I swear to God, I used to wear that until one day. 'You know what, isinara ko na siya at never ko nang ginalaw.'
"Ngayon, I am like braless! Once you’ve realized na parang forget what people say. I have to embrace myself for who I am kasi that’s what make you different."
Muling nangilid ang luha ni Lovi nang mapag-usapan ang Guilty Pleasure, ang pelikula niya na nagbukas sa mga sinehan noong Oktubre 16, 2024.
Naluha si Lovi dala nang matinding kaligayahan dahil pinupuri ng manonood ang mahusay na pagganap niya sa Guilty Pleasure, at positibo ang mga feedback tungkol sa kuwento ng pelikula.
Maligayang-maligaya si Lovi sa halos magkasunod na pagbubukas ng Guilty Pleasure sa mga sinehan at sa paglulunsad ng Love, You by Lovi.