Matitinding batikos mula sa mga tagasuporta ni Donald Trump ang nararanasan ngayon ng American celebrities na sumuporta sa presidential bid ni U.S. Vice-President Kamala Harris.
Si Trump ang nanalo sa katatapos lamang na halalang naganap sa Amerika nitong Martes, Nobyembre 5, 2024.
Kabilang sina Jennifer Lopez, Robert De Niro, Cher, Taylor Swift, Tom Hanks, Leonardo DiCaprio, Whoopi Goldberg, Beyonce, Lady Gaga, Katy Perry, John Legend, Olivia Rodrigo, Barbra Streisand, Julia Roberts, Harrison Ford, Will Ferrell, Viola Davis, at George Clooney sa mga popular entertainment personality na binabatikos, hinuhusgahan, at pinagsasalitaan ng masasakit ngayon ng mga kaalyado ni Trump.
Read: Beyonce publicly endorses Kamala Harris vs. Donald Trump
Read: Taylor Swift officially endorses Kamala Harris for U.S. President
“The era of celebrity endorsement is dead," "America rejected them," "losers," at "when will they leave America?" ang ilan sa mga panglalait na natanggap ng mga personalidad na ito dahil ikinampanya nila ang kandidatura ni Harris.
Tulad ng nangyayari sa halalan sa Pilipinas, inakusahang bayaran dahil tumanggap umano ng bayad mula kay Harris ang lahat ng mga artista na sumuporta sa kanya, kahit walang basehan at ebidensiya ang mga kritiko nilang labis na nagbubunyi sa tagumpay ni Trump.
Read: Elon Musk accused of harassing Taylor Swift
45TH AND 47TH PRESIDENT OF THE USNITED STATES OF AMERICA
Gumawa ng kasaysayan si Trump dahil sa ikalawang pagkakataon, muli siyang nahalal na pangulo ng Amerika nitong Nobyembre 5, 2024.
Si Trump ang 45th president ng USA.
Umupo siya sa puwesto noong Enero 2017, matapos niyang talunin si Hillary Clinton noong 2016 elections.
Muling tumakbo si Trump noong 2020 elections para sana sa kanyang second term, ngunit tinalo siya ni Joe Biden.
Ngayong 2024 elections ay muli siyang tumakbo at nanalo laban kay Kamala Harris.
Bahagi ng victory speech ng 78-anyos na si Trump: “I wanna thank the American people for the extraordinary honor of being elected your 47th president and then your 45th president.
“And every citizen, I will fight for you, your family, and your future. Every single day, I will be fighting for you with every breath in my body.
"I will not rest until we have delivered the strong, safe and prosperous America that our children deserve and that you deserve."
Tinawag ni Trump na "the greatest political movement of all time" ang presidential campaign nito.
Inilarawan niya naman bilang "Golden Age of America" ang muling pagkakaluklok niya sa puwesto.
Magsisimula ang panunungkulan ni Trump bilang 47th president ng USA sa Enero 2025.
Read: U.S. President Donald Trump’s campaign team faces legal action for using "YMCA" at rallies