Hindi pa rin binubura ni Chloe San Jose ang kanyang mabigat na paratang na nagkakalat ng "misleading news" ang PEP.ph.
Hanggang ngayong Biyernes ng gabi, Nobyembre 15, 2024, mababasa pa rin sa comments section ng official Facebook page ng PEP.ph ang akusasyon niya.
Read: Anak na babae ni Ai-Ai delas Alas, may hamon kay Chloe San Jose
Sa artikulong may pamagat na "ANAK NA BABAE NI AI-AI DELAS ALAS, MAY MENSAHE KAY CHLOE SAN JOSE" ay nag-iwan ng komento ang nobya ng two-time Paris Olympics gold medalist na si Carlo Yulo.
Sabi ni Chloe: "You're spreading misleading news pep.ph, the account that messaged me and commented on my post was just a FAKE account of Ai Ai's daughter, Sophia.
"The fake account left me on delivered when I asked to confirm her identity through messaging me back on Sophia's real and personal IG account."
Ilang tagasuporta ni Chloe ang naniwala at nag-udyok pa sa kanyang sampahan ng kaso ang PEP.ph dahil umano sa pagpapakalat ng fake news.
Ngunit lumabas ang katotohanang verified at hindi peke ang Facebook account na ginamit ng anak ni Ai-Ai na si Sophia delas Alas Bautista sa paghahamon kay Chloe.
Kinumpirma ni Sophia sa Cabinet Files na siya talaga ang nagpadala kay Chloe ng mga mapaghamong mensahe:
Pribado at hindi na bukas sa publiko ang Facebook account ni Sophia mula nang pagpistahan ng netizens ang isyu sa pagitan nila ni Chloe.
Read: Sophia delas Alas, kinumpirmang siya ang nag-message kay Chloe San Jose
DID SOPHIA TAKE ANOTHER SWIPE AT CHLOE?
Pero nitong Biyernes ng hapon, Nobyembre 15, may Facebook post si Sophia na pinaghihinalaang patungkol kay Chloe.
Ni-repost ni Sophia mula sa Facebook page na ynrl ang sumusunod:
"Things to keep private:
"1.Everything"
Nakakaintrigang capton niya rito: "Blondie cant relate"
Pinaniniwalaang bagong pasaring ito ni Sophia laban kay Chloe, na binansagang "blondie" ng netizens noong kasagsagan ng isyu niya at ng pamilya ni Carlos dahil sa kulay ng kanyang buhok.
Wala pang bagong post si Chloe tungkol sa umiinit na isyu nila ni Sophia.
Read: Chloe San Jose defends "back to you mamang" remark about Ai-Ai delas Alas
CHLOE SAN JOSE REACTS TO AI-AI DELAS ALAS-GERALD SIBAYAN SPLIT
Nag-ugat ang isyu nina Chloe at Sophia nang kumalat online ang screenshot ng komento ni Chloe matapos lumabas ang balitang kumpirmadong hiwalay na si Ai-Ai sa mister nitong si Gerald Sibayan.
Nakasaad sa shared post ni Chloe: "Back to you mamang, hindi para pagtawanan ang sitwasyon mo pero ang ginagawa mo sa iba ay babalik din sa'yo ng 10x —it's just the universe's law."
Kalakip ng post ni Chloe ang screenshot ng isang artikulo kung saan binigyan ng payo ni Ai-Ai si Chloe kaugnay ng pakikitungo nito sa mga magulang ni Carlos, partikular na ang ina nitong si Angelica Yulo.
Read: Chloe San Jose takes a swipe at Ai-Ai after split from Gerald
Sa comments section ng shared post ay ibinahagi pa ni Chloe ang screenshoot ng artikulong inilathala ng PEP.ph na may titulong "AI-AI DELAS ALAS TO CELEBRATE 60TH BIRTHDAY WITH A BROKEN HEART."
Caption niya rito ay crying with tissue emoji.
Ayon sa Reddit, naka-"friends of friends" ang post na ito ng girlfriend ni Carlos Yulo kaya hindi ito makikita ng mga hindi niya friend at pina-follow sa Facebook.
Kalaunan ay kinumpirma ni Chloe na siya nga ang nag-post, ngunit hindi niya ito ginawang public.
Nanindigan din siyang hindi "derogatory" o "offensive" ang kanyang post.
Saad ni Chloe: "Why didn’t I make the post public? Because I do not involve myself in other people’s private lives PUBLICLY (especially without understanding and knowing the full story) and contribute to you all's clown and fake entertainment.
"It’s beyond my control that someone took a screenshot of what was intended as a "private" post... Now, let’s consider if I had posted it publicly. My caption was neither derogatory nor offensive in any way. So, why the outrage?"
Hindi ito sinagot ni Ai-Ai.
Sa halip, ang anak ng Comedy Queen na si Sophia ang nakipagsagutan kay Chloe.
Read: Chloe San Jose defends "back to you" remark on Ai-Ai delas Alas