Ang Deleter, ang techno-horror movie na idinirek ni Mikhail Red, ang isa sa mga topgrosser sa Metro Manila Film Festival (MMFF) 2022.
Dahil sa tagumpay ng proyektong pinangunahan ni Nadine Lustre, may mga nag-akalang muling isasali ni Red sa MMFF ang Nokturno.
Ang Nokturno ang bagong pelikula ng Nadine na nauna nang ipinalabas sa subscription video at streaming site na Amazon Prime Video.
Read: Nadine Lustre, may reaksiyon sa bansag sa kanya na "Queen of Horror Movies"
NO MIKHAIL RED MOVIE IN MMFF 2024
Tinanong ng Cabinet Files si Red kung bakit wala siyang pelikulang kalahoh sa 50th MMFF kahit karamihan ng mga kasali rito ay horror movies.
Paliwanag niya: “Yun nga, e, maybe after nga ng Deleter, parang a lot of studios saw the potential of horror as something that can reach a wider audience.
"So, at least happy kami na it kinda started that na rin na parang marami ang nakakita ng opportunity na yon.
“Honestly, dumami yung horror movies, dumami yung nagsa-submit. And to be fair, ang daming big productions, big cast, so it’s very competitive now.
“Pero at the same time, kami, we want to keep innovating. So, yung films namin next year actually, hindi horror.
"We’re planning different genres. Yung isa, parang mas sci-fi."
Read: MMFF 2024: Star power, plus factor sa pagpili ng official entries
NOKTURNO ON PRIME VIDEO
Hiningi rin ng Cabinet Files kay Red ang reaksiyon nito tungkol sa desisyon na imbes magkaroon ng theatrical release ang Nokturno, ipinalabas at napapanood na ito sa Amazon Prime Video mula pa noong Oktubre 31, 2024.
Saad niya: “To be fair, when we were creating it, we’re creating for scale or spectacle, even yung sound design nito, ATMOS.
“So we’re prepared for a theatrical release. But as you know, nowadays, very challenging ang theatrical distribution.
"So we’re really lucky lang na there was an opportunity with Amazon Prime who, again, we have the relationship with Deleter.
“It was a good deal, it was a good platform, and like I said, ang laki ng audience. So, very lucky na they were there at the right time.”
Read: Mikhail Red thrilled to work anew with Nadine Lustre for Nokturno
Bukod kay Nadine, gusto ring makatrabaho ni Red ang mga contract star ng Viva gaya nina Anne Curtis at Sarah Geronimo.
Si Red ang nagkuwento na nag-pitch siya ng isang sci-fi movie kay Sarah na nagpakita umano ng excitement.
“Very excited si Sarah to do genre, but again, nothing final yet. Hindi pa sure.
“Ako naman, I pitch a lot, part ng job ko, we have a lot of pitches with Viva.
"Yung mga yon, pangarap pa lang. I wannna work with those actors but we’ll see what happens,” sabi ng direktor.