"Professional" ang pagsasalarawan ni Dra. Camille Garcia kay Korina Sanchez.
Si Dra. Camille naman ang isa sa tatlong miyembro ng Trio Taga-Payo ng Face To Face: Harapan.
Marami raw siyang natuklasan tungkol sa bagong host ng afternoon tabloid talk show ng TV5.
Read: Korina Sanchez, ipinamalas ang husay bilang host ng Face to Face
Pahayag ni Dra. Camille sa mga miyembro ng entertainment press, “In terms of professionalism, nakikita ko, napaka-professional ni Ate Koring.
“Nasanay ako na ang mga host, nakadikit sa prompter [teleprompter]. Parang they give their views sa prompter.
“Pagdating kay Ate Koring, she makes her own advice na talagang sa kanya nanggagaling. Hindi siya tumitingin sa prompter.
"Makikita mo na it’s a work of a journalist rather an entertainment host."
Ayon kay Dra. Camille, malaki ang pagkakaiba ni Korina sa mga dating host ng kanilang programa dahil sa mga personal na karanasan ng kasalukuyang host ng Face To Face: Harapan.
“Experience ang pinag-uusapan dito,” sambit niya.
“Siguro marami siyang naranasan, hindi katulad ng ibang mga artista. Kasi karamihan sa mga host namin, mga artista.
“Hindi katulad kay Ate Koring na, sabihin natin na marami na siyang naranasan, based on sa lahat ng mga nakita kong episodes sa different shows niya, so talagang nakakapagbigay siya ng opinyon.
“Kapag pinag-usapan ang tungkol sa renta, nagrenta rin pala noon si Ate Koring. Yung mga ganoong experiences, nakakagulat na malaman.”
Read: Korina Sanchez, papalit kay Karla Estrada bilang Face 2 Face host
KORINA SANCHEZ'S DNA
Kinumpirma naman ito ni Korina sa press.
Paliwanag ng beteranang broadcaster: "Before anything else, I’m a lot of things, good and bad, but if anything, I am very emphatic.
"Mabilis akong maka-relate sa kausap ko, sa pinapakinggan kong mga tao kaya hindi ako makatiis na hindi ako ma-involve and to honestly, sincerely, try to help.
“Yan ang DNA ko talaga, yung makatulong. And I think, that’s very important if you come into a show like this.
“Kailangan authentic yung concern mo para makuha mo yung sitwasyon. That’s something that I’ve always known about myself.”