May mga nagsasabing lehitimo ang lumabas sa social media na mga screenshot ng palitan umano ng pribadong pag-uusap sa pagitan ni Rufa Mae Quinto at ng kanyang asawa na si Trevor Magallanes.
Ito umano ang nagpapatunay na may problema sa walong taong pagsasama ng mag-asawa.
Marami ang nabahala sa very telling screenshots na kumalat dahil base sa diumano’y palitan ng mga salita na iniiugnay kina Rufa Mae at Trevor, tila malalim ang hindi nila pagkakaunawaan.
Read: Why long-distance relationship is best for Rufa Mae Quinto and husband Trevor Magallanes
TREVOR MAGALLANES ARRESTED IN HAWAII?
Kasabay nito ay may mga kumakalat ding kopya ng isang police report na nagpapakita na pag-aresto umano kay Trevor dahil sa trespassing sa Honolulu, Hawaii, noong December 6, 2024.
Nakasaad sa Adult Arrest Log ng Honolulu Police Department na isang "Japanese national" na nagngangalang Trevor Magallanes ang inaresto dahil sa "Criminal Trespass 2 offense."
Thirty-eight years old ang Trevor Magallanes na dinakip.
Tumutugma ang edad nito sa edad ng asawa ni Rufa Mae, pero hindi pa natutukoy kung magkapangalan o iisang tao lamang sila.
Hindi rin malinaw kung lehitimong Japanese ang nationality ni Trevor.
Read: Rufa Mae Quinto ties the knot with Trevor Magallanes
MARRIAGE ON THE ROCKS?
Matagal nang usap-usapang may problema sa relasyon nina Rufa Mae at Trevor, pero walang pagtanggi o kumpirmasyon mula sa comedienne.
Nagkataon pang nasabay sa marital issue ni Rufa Mae ang pagkakasangkot niya kamakailan sa investment scam controversy kaya nagkaroon siya ng warrant of arrest.
Read: Rufa Mae Quinto, kumpirmadong may warrant of arrest din
Sa Fast Talk with Boy Abunda nitong Lunes ng hapon, Disyembre 9, 2024, tinalakay ng kaibigan at dating manager ni Rufa Mae na si Boy Abunda ang isyung kinasasangkutan ng aktres at ng asawa nito.
Sabi ni Boy, “We are also aware na may mga umiikot na screenshots ng conversation with Trevor, the husband of Rufa Mae Quinto, at saka ni Rufa Mae.
“Meron dun pag-uusap between the couple."
Pagpapatuloy ng TV host, "At meron din isang screenshot ng isang report galing sa pulisya sa Hawaii na may kinalaman naman kay Trevor.
“Now, we have this, and we are trying to validate this and we are in touch with the lawyer of Rufa Mae, Atty. Mary Louise Reyes, who has been very helpful to us.
“Kung ano ang developments sa balitang ito ay ibabahagi ho namin sa inyong lahat.”
Malalam ng publiko ang katotohanan tungkol sa mga isyung kinasasangkutan nina Rufa Mae at Trevor kapag naglabas na ng pahayag at paliwanag ang legal counsel ng aktres.
Sa Amerika nanirahan sina Rufa Mae at Trevor bago pa man sila ikinasal noong November 2016. Si Trevor ay nakabase sa Amerika kung saan nagtratrabaho siya bilang police officer.
Nang isilang ni Rufa Mae ang anak nila ni Trevor noong February 2017, namalagi muna ng ilang taon sa Amerika ang comedienne. Umuuwi lamang siya sa Pilipinas kapag may gagawin siyang proyekto.
Ngayong 2024 ay medyo nagtagal ang pamamalagi ni Rufa Mae sa Pilipinas dahil sa sunud-sunod na proyekto, kabilang na ang LOL: Last One Laughing Philippines at ang pagiging hurado sa "Kalokalike" ng It's Showtime.
Sa kasalukuyan ay nasa Amerika ang comedienne habang naghihintay ng payo ng kanyang legal counsel tungkol sa kinahaharap na kaso.
Read: Rufa Mae Quinto talks about the year she became a girlfriend, fiancee, wife, and preggy woman