Masaya at kuntento si Regal Entertainment Inc. producer Roselle Monteverde sa resulta sa box office ng My Future You, isa sa mga opisyal na kalahok sa 50th Metro Manila Film Festival (MMFF).
Ang My Future You ang itinanghal na Third Best Picture sa MMFF 2024 Gabi ng Parangal na ginanap sa Solaire Resort & Casino, Pasay City, noong Disyembre 27, 2024.
Nanalo rin ito ng Best Director award para kay Crisanto Aquino (ka-tie si Mike Tuviera ng The Kingdom), at Breakthrough Performance Award para kay Seth Fedelin.
Read: Dennis Trillo, Judy Ann Santos lead MMFF 2024 Gabi ng Parangal
Ikinatuwa ni Roselle ang mga parangal na natanggap ng My Future You dahil hindi naman daw ginawa ang pelikula para isali sa 50th Metro Manila Film Festival.
NOT THE FIRST AND LAST FRANSETH MOVIE UNDER REGAL
Tiniyak ni Roselle na hindi ang My Future You ang una at huling proyekto nina Seth at Francine Diaz sa Regal dahil may plano siyang muling ipag-produce ng pelikula ang dalawa.
“Oo naman kasi magaling sila,” reaksiyon ni Roselle nang itanong ng Cabinet Files kung may follow-up project sina Seth at Francine sa Regal.
Dagdag niya, “You cannot deny na magagaling na artista sina Seth at Francine.”
Bilib din si Roselle sa husay ni Crisanto B. Aquino bilang direktor.
May kontrata si Aquino sa Regal Entertainment.
Resident director siya ng Regal Studio Presents, ang Sunday afternoon drama anthology na napapanood sa GMA-7.
“Madetalye siyang magkuwento, yung madadala ka,” papuri ni Roselle kay Aquino.
Read: REVIEW: My Future You, an emotional rollercoaster worth watching
LOVE CHILD ON NETFLIX
Bukod sa mga positive review sa My Future You, ibinalita ni Roselle na napapanood na sa Netflix ang Love Child, ang critically-acclaimed movie nina RK Bagatsing at Jane Oineza.
Una itong ipinalabas sa 20th Cinemalaya Philippine Independent Festival mula Agosto 2, 2024 hanggang Agosto 11, 2024.
Ang movie company ni Roselle ang producer ng Love Child.
