Marami ang nagimbal sa nakagugulat na teaser ng The Rapists of Pepsi Paloma na in-upload ng kontrobersiyal na direktor na si Darryl Yap sa Facebook noong mismong Bagong Taon, Enero 1, 2025.
Direktang binanggit ang pangalan ni "Vic Sotto" sa eksena nina Gina Alajar at Rhed Bustamante.
Read: Darryl Yap nag-ingay agad with The Rapists of Pepsi Paloma teaser
Si Gina ang gumaganap na beteranang aktres na si Charito Solis, na pumanaw noong January 9, 1998.
Si Rhed naman ang nagbigay-buhay kay Pepsi, na winakasan ang sariling buhay sa pamamagitan ng pagbibigti noong Mayo 31, 1985.
Nagkasama sina Charito at Pepsi sa 1984 movie na Naked Island.
Nais marinig ng publiko ang paliwanag ni Gina tungkol sa pagpayag nitong sambitin sa eksena ng pelikula ang kontrobersiyal na linyang ito: “Pepsi, sumagot ka! Ni-rape ka ba ni Vic Sotto?”
ARNOLD CLAVIO REACTS TO THE RAPISTS OF PEPSI PALOMA TEASER
Isa ang veteran broadcast journalist na si Arnold Clavio sa mga kilalang personalidad na nagkomento tungkol sa teaser na napanood nito,
Ibinahagi niya ang opinyon sa kanyang mga social media account.
Naka-tag dito ang Instagram account na @vicsottoofficial, na hindi pa kumpirmado kung verified account ng veteran comedian-TV host.
Mahabang saad ni Arnold, published as is: “EHEM: Inilabas na ang trailer or teaser ng pelikula na The Rapist of Pepsi Paloma para sa taong 2025.
“At dito ay matapang na binanggit ang pangalan ni Bossing @vicsottoofficial bilang ‘rapist’ ng nagbigting dating bold star na si Pepsi Paloma o Delia Smith sa totoong buhay.
“Puwedeng magtago sa artistic freedom ang direktor pero hindi sa mga umiiral na batas. Maliban kung may public record ang korte batay sa akusasyon. Baka iyon ang intensyon, ang manggulat!
“Ilang dekada nang binubulabog ang Pilipino ng isyung ito. Tuwing may malalaking mga problema ang isyung ito ay laging panligaw.
“Pero tanda ko, sa panayam ni @juliusbabao kay Coca Nicolas, kaibigan ni Pepsi, na ang rape issue ay ‘gimik’ at gawa-gawa lamang ng kanilang manager — ang namayapang si Dr. Rey Dela Cruz."
Read: Former bold star Coca Nicolas nagsalita tungkol sa nalalaman niya sa Pepsi Paloma controversy
Pagpapatuloy ng Kapuso broadcaster (published as is): “Dalawang Sotto ang tumatakbo sa Eleksyon 2025. Si former Senate President Tito Sotto, kapatid ni Vic at si Mayor Vico Sotto ng Pasig City, anak ni Vic kay aktres na si Connie Reyes.
“Nagpapa-kontrobersya ang nasa likod ng pelikula at ang pag-iingay na ito ay malinaw na paghingi ng simpatiya.
“Dahil malabo itong mapayagan ng Movie Television Review and Classification Board (MTRCB) na may hayagang paninirang puri o defamation Sino ang source of information ng eksenang napanood? O ito ba ay bahagi ng isang panaginip ng mga karakter?
“Huwag nating kalimutan na ang Chairman at CEO ngayon ng MTRCB ay walang iba kundi si Lala Sotto-Antonio, anak ni Titosen at pamangkin ni Vic.
“Tandaan, sa mundong ginagalawan natin hindi dapat mawala ang respeto sa kapwa at pagiging disente May mga norms at ethics na dapat sundan.”
Read: Titulong The Rapists of Pepsi Paloma, aprubahan kaya ng MTRCB?
View this post on Instagram
Related Stories:
- Pepsi Paloma trends on Twitter amid Tito Sotto's Inquirer.net clampdown
- Pepsi Paloma, buhay pa rin sa alaala ng publiko 35 taon pagkatapos pumanaw
- Sexy star Pepsi Paloma still trending 38 years after her death
- Dating bold star Guada Guarin nagtangkang humingi ng tawad kay Vic Sotto dahil sa Pepsi Paloma controversy