Maganda ang pasok ng 2025 para kay Nico Locco dahil sa Special Jury Best Actor award na natanggap niya mula sa 3rd Asian International Film Festival ng India.
Tuwang-tuwa si Nico dahil sa 26 na nominado, siya ang nanalo ng Special Jury Award para sa pagganap niya sa VMX movie na Kolektor.
Read: Nico Locco, near-death experience sa shooting ng VMX movie
Ang parangal na ipinagkaloob kay Nico ang nagbigay raw sa kanya ng inspirasyon na pagbutihin ang lahat ng mga ginagawa para matupad ang pangarap niyang magkaroon ng mas maraming mainstream projects.
“Aside from still doing VMX movies this year, I am hoping na makatatawid ako sa more mainstream films and series na action at drama,” pahayag ni Nico sa Cabinet Files.
“Meron akong plans to lead in an action movie this year pero di ko pa puwedeng sabihin ang title, but it will be shot in Japan.
“I have plans also to act in Europe and the U.S. a bit more this year,” sabi ni Nico.
View this post on Instagram
NICO'S COMEDY SERIES WITH JANNO AND SUNSHINE
Masayang ibinalita ni Nico sa Cabinet Files ang bagong comedy series na pinangungunahan nila nina Janno Gibbs at Sunshine Guimary, ang Wow Mani.
Aniya, “I have a comedy series this January with Janno and Sunshine, yung Wow Mani, directed by Al Tantay for VMX.
“Then yung Kolektor directed by Carlo Alvarez will be released next month.
“Sa business side naman, delayed nang konti ang underwear brand ko, pero I am planning to launch it in February.
"Nasa production pa at gusto ko perfect so I’m refining pa yung design.”
Read: Nico Locco willing to do live selling for his underwear brand
View this post on Instagram
NICO WANTS TO FOCUS ON HIMSELF
Mula nang maghiwalay sila ni Christine Bermas noong nakaraang taon, hindi pa sinusubukan ni Nico muling makipagrelasyon dahil gusto muna raw niyang pagtuunan ng pansin at panahon ang sarili.
“I want to find happiness and focus on myself. We’ll see if kaya ko ‘yan,” natawang sabi ni Nico.
“I’ve already put on 4 kgs. over the holidays so gusto ko super buff this year, more than ever, para talagang loco-locco ang mga tao, hindi lang sa underwear brand business ko.”
Read: Nico Locco breaks up anew with Christine Bermas