Ang 16-year-old actor na si Antonio Vinzon ang karagdagan sa listahan ng mga aktor na nagtataglay ng pangalang Anton.
Ang iba pa ay ang dating sexy actor na si Anton Bernardo, StarStruck Season 1 alumnus Anton dela Paz, at ng mga mang-aawit na sina Anton Diva at Anton Antenorcruz.
Mula ngayong Miyerkules, Pebrero 5, makikilala na si Antonio sa kanyang bagong screen name — Anton Vinzon.
Read: Antonio Vinzon, the next big star ng GMA-7?
Sa bisa ito ng desisyon ng Sparkle GMA Artists Center, ang talent management agency na namamahala sa showbiz career niya.
“To make it more appealing to the new gen market," paliwanag tungkol sa pasyang palitan ang screen name ng anak ng veteran actor na si Roi Vinzon.
FROM ANTONIO TO ANTON
Kasabay ng pagpapalit ng pangalan ni Antonio ang hiling ng Sparkle management na gamitin na sa lahat ng mga write-up, artikulo, at social media post tungkol sa kanilang contract star ang screen name na Anton Vinzon.
Inumpisahan na rin ni Anton ang paggamit sa bagong pangalan niya dahil Anton na ang profile name sa kanyang mga social media account.
Napansin at dumami ang mga tagahanga ni Anton mula nang mapanood siya sa Mga Batang Riles, ang action-drama primetime series ng GMA-7.
Read: Roi Vinzon, nabigla sa pagpasok sa showbiz ng anak na si Antonio Vinzon
