Nanggaling kay Dimples Romana ang impormasyon na isang pagbibigay-pugay kay Mother Lily Monteverde (Agosto 19, 1938 – Agosto 4, 2024) ang The Caretakers.
Ito ang horror movie na pinagbibidahan nila Dimples at Iza Calzado na nakatakdang itanghal sa mga sinehan sa Pebrero 26, 2025.
Si Mother Lily ang founder ng Regal Entertainment Inc., at ang The Caretakers ay isa sa mga proyekto ng kanyang kompanya bago siya bawian ng buhay noong nakaraang taon.
Read: Dimples Romana at Iza Calzado, magpapasiklab sa The Caretakers
Ang The Caretakers, na tungkol sa dalawang ina na ginagampanan nina Dimples at Iza, ay joint production venture ng Regal Entertainment Inc. at ng Rein Entertainment.
Ang Rein Entertainment ay binubuo nina Lino Cayetano, Philip King, at Shugo Praico.
Kuwento ni Dimples: "As we know, Regal is one of the pillars of our industry. Regal is Regal. This is a legacy of a woman who really was a visionary when it came to telling stories and making films about life.
"Biruin mo, this is a kuwento of two mothers, what a way to honor Mother Lily with a story like this. I feel it's very, very personal.
"Lalung-lalo na within the time when Mother Lily passed, it was the the time na nagtatapos po kami ng pelikula namin."
Tumatanaw si Dimples ng malaking utang na loob kay Mother Lily dahil ito ang nagbigay sa kanya ng mga proyekto noong mga panahong mga suportang karakter ang kanyang binibigyang-buhay sa mga pelikula.
“Iniisip ko, ako po lumaki akong support actress. For her to be able to look at me the way that is always different from how people would see me.
"I have done movies with Regal that were not necessarily what I would have been thought to be doing, and here comes another story with Regal and with my family, Rein Entertainment,” saad ni Dimples.
TRIBUTE TO MOTHERS
Sinabi rin ni Dimples na tribute din ang The Caretakers sa mga inang nagsasakripisyo para sa pamilya.
"Tribute sa mga ina, lalung-lalo na ngayon na pagod ang mga nanay.
"Pagod tayo, e. And yet, when we talk about the stories of being a mother, we sometimes forget the struggles and the sacrifice that we have to do, all the protection, all the safety we think about, all the things we have to do every day.
"Sa akin, ito ang pinakabagong konsepto na puwedeng dalhin ng The Caretakers."
Proud si Dimples sa proyekto nila ni Iza.
Dagdag niya: "It is a collaboration of two—one of the freshest producers, Rein Entertainment, with the one of the biggest pillars if not the biggest in the industry, Regal Films, so I am very very proud talaga.
"Ang ganda kasi. Kilala natin ang Regal to be making classic horror films that transcend generations.
"Kapag pinanood mo yung dating Regal films, dating two, three decades, maiisip mo, relevant pa rin siya hanggang ngayon."