Sa edad na 60, hindi pa umano nararanasan ni Gabby Concepcion magkaroon ng midlife crisis, kahit noong tumuntong siya sa edad na 40 noong 2004.
Ayon sa acendahealth.og, ang midlife crisis "is a period of transition in life where someone struggles with their identity and self-confidence."
Karaniwan daw itong nararanasan ng middle-age adults sa ead na 40 hanggang 60.
Read: Gabby Concepcion turns 60; gets greetings from Sharon and KC
Saad niya: “Alam ninyo, midlife crisis, I don’t think nararanasan ko pa yon.
"Gusto ko man maranasan yon, I don’t know what that feels.
“Can somebody explain kung ano yung midlife crisis in a nutshell?
"Kasi, okay ako siguro dahil I take things lightly. Hindi ko dinidibdib.
"In so far, lahat naman ng ginagawa ko, paulit-ulit lang ako.
“Naalala ko lang yung sinasabi ng father ko, ‘Nandiyan ka na lang din, gawin mo na, in anything.' So, ginagalingan ko.
"I am not always successful with it, but I try. Pero at least I know, I tried it out.”
Nakausap ng entertainment press si Gabby sa kanyang launch bilang health at wellness champion ng mWell, ang digital healthcare arm ng Metro Pacific Investments Corporation, ngayong Martes, Pebrero 25, 2025.
GABBY'S FIRST DAUGHTER KC WILL DAUGHTER IN APRIL
Tinanong ng Cabinet Files si Gabby tungkol sa pagtuntong niya noon sa edad na 40 dahil magdiriwang na rin ng ika-40 kaarawan si KC Concepcion, ang anak nila ng kanyang ex-wife na si Sharon Cuneta, sa Abril 7, 2025.
Lahad ng aktor: “May nagtatanong sa akin, 'Ilang taon na si KC?'
"Hindi ko siya tinitingnan na ganoong age. Ang tingin ko sa kanya, parang 10 years old.
"I don’t think they ever grow up in my eyes."
Wala raw ideya si Gabby kung paano magdiriwang si KC ng 40th birthday nito.
“Wala nga siya binanggit, wala sa isip ko yon. Hindi niya binabanggit.
"Madalas niyang sinasabi, ‘Let’s go to Lobo, Batangas.’ Quality time.”
Read: KC Concepcion celebrates birthday with dad Gabby Concepcion; posts throwback video with parents
GABBY'S ADVICE ABOUT LOVE
Nagbigay rin ng mga payo si Gabby tungkol sa pagmamahal.
Aniya: “If you gonna love somebody, loving is a part of life. You need to feel that.
"But it would be nice also for you have that feeling. All out na nga, if anything happens, that’s all part of the cycle.
“Although kung gusto mong maging selfish nang konti, if the guy loves you more than you love him, that’s better for me.
"But love is both ways.
“I don’t know what the relationship is gonna be with that guy, pero whatever it is, you have to enjoy that moment. Be happy, always be happy."
Patuloy ni Gabby: “Ang importante lang sa akin, hindi naman ako ang nililigawan.
"Merong sometimes yung parents ang nililigawan, it would be nice kung yung guy ay magalang.
"Parang point na nililigawan ka rin kasi hundred points itong batang ito.
“'Good morning sir, I want you to know that I am going out with your daughter.'
“Ito lang ang advice ko sa guys, kapag sinabi ninyo yon sa father ng mga nililigawan ninyo, hundred percent for sure.”
Read: Gabby Concepcion posts heartfelt message for Sharon Cuneta
Postscript: Bilang health at wellness champion, bahagi si Gabby ng Healthy is the New Handsome campaign.
Isinusulong ng tinaguriang "Timeless Matinee Idol" ang paggamit ng mWellness wearables—ang relo at singsing na mga personal health tracker na sumusukat sa physical health ng tao tulad ng blood pressure at tibok ng puso.