Muling bumalik si Pops Fernandez sa ASAP stage noong Linggo, Marso 2, 2025, para sa naantalang pagdiriwang ng ika-30 anibersaryo ng longest-running Sunday noontime musical-variety show ng ABS-CBN.
Si Pops — kasama ang kanyang ex-husband na si Martin Nievera, at sina Ariel Rivera at Miss Universe 1993 Dayanara Torres — ang isa sa mga orihinal na host ng ASAP.
Iniwanan niya ang programa noong Marso 2003.
Malaki naman ang kontribusyon ni Martin dahil ideya nito ang pamagat na ASAP (All-Star Sunday Afternoon Party).
Ika-33 kaarawan din ng Conceet King nang unang mapanood sa ABS-CBN ang ASAP noong Pebrero 5, 1995.
Read: Martin Nievera pays tribute to ASAP on his 62nd birthday
MR. M'S MESSAGE TO ASAP'S 30TH ANNIVERSARY
Sa kanyang pagbabalik para sa 30th anniversary ng ASAP, napaluha si Pops, maging si Martin, habang pinapanood ang mensahe ni Johnny "Mr. M" Manahan, ang direktor ng ASAP mula 1995 hanggang 2020.
Mensahe ni Mr. M: "Hello, ASAP! Congratulations!
"Thirty years, tagal nun ah! Quite an achievement.
"It takes a lot, a lot of talent, a lot of imagination, a lot of work for a show to succeed and stay there for 30 years.
"Ask Martin Nievera. Andun siya sa pagsibol ng ASAP.
"Martin, you're a genius. I love you.
"I remember all the things that you've done for me and for ASAP through the years.
"Of course, huwag nating kalimutan yung mga behind-the-scenes people.
"Salamat sa mga production people. Kayo po, kumbaga, yung wind beneath the wings of the artists.
"Kung wala po kayo, hindi po makikita yung transcendent beauty and talent of each artist. They're nothing without the people behind the scenes.
"I'm so glad that I could be part of the story of ASAP.
"And I am humbled to have worked with all of those beautiful and talented young men and women through the years.
"They love what they're doing. They love the industry.
"That's what ASAP has been for 30 years — excellence.
"ASAP, I wish you well."
Read: Stars get together for Johnny Manahan tribute event
MARTIN'S MESSAGE FOR MR. M
Pagkatapos ng mensahe ni Mr. M ay nagbigay rin ng mensahe si Martin.
Saad niya: “Tama si Mr. M, people are the wings, beneath the wings of all these artists — yesterday, today, until tomorrow.
“We are nothing without the people who bring us on this stage, who brought us up, who dresses us up, who make us look good, who makes this show what it is today.
"And No. 1 on that list is Johnny Manahan.
“Johnny, you are too humble.
"You have brought us all to this stage and to many stages from this stage. Galing sa stage na ito dahil sa iyo.
"So from the bottom of our hearts, I speak for everybody on this stage...
"Thirty years ago, you brought ASAP to where it is today.
“We will never forget all that you’ve done for this show and to every artists that has passed to your magic wand.
"Maraming-maraming salamat."
END OF AN ERA
Ipinagdiwang ang tatlong dekada sa telebisyon ng ASAP habang mainit ang balita tungkol sa pagbebenta ng ABS-CBN Corporation sa Ayala Land, Inc. ng malaking bahagi ng kanilang ari-arian.
Read: ABS-CBN, ibebenta sa Ayala Land ang malaking bahagi ng lupa sa halagang P6.2B
Tinawag na “end of an era” ang bentahan na naganap dahil sa nagbabadyang pagkawala ng mga makasaysayang studio at Millennium Transmitter ng Kapamilya Network na naging malaking bahagi ng buhay ng Filipino televiewers.
Ang iconic Millennium Transmitter ang nagsilbing backdrop ng mga pagtatanghal ng mga artista ng ASAP noong Linggo kaya nakaramdam ng lungkot at panghihinayang ang mga tagasuporta ng ABS-CBN.
Read: Ogie Alcasid at Regine Velasquez, nagpaalam na sa Millennium Transmitter ng ABC-CBN