Ang muling pagbabago sa anyo ni Arci Muñoz ang napansin ng entertainment press sa media conference ng pelikulang Sinagtala noong Marso 11, 2025, pero walang naglakas-loob magtanong sa kanya.
Ang Sinagtala ang pelikulang pinangungunahan nina Arci, Glaiza de Castro, Rhian Ramos, Matt Lozano, at Rayver Cruz.
Read: Arci Munoz admits setting a "high standard" for future husband
Tila handa nang magsalita si Arci tungkol sa pagbabago ng hitsura niya at naghihintay lamang ng magtatanong.
Pero hindi nangahas mag-usisa ang mga reporter na dumalo sa presscon ng Sinagtala kaya nananatili na lamang bulung-bulungan ang matagal nang espekulasyon.
ARCI MUÑOZ FINALLY ANSWERS SURGERY RUMORS
Pero sa guesting ni Arci sa Fast Talk with Boy Abunda na mapapanood sa Biyernes, Marso 21, tiyak na magugulat ang marami sa kanyang mga rebelasyon na kapupulutan ng aral.
Sinagot niya ang tanong ni Boy Abunda: "I know that this has not been talked about. Ito yung, 'Si Arci ba nagparetoke?' Have you undergone surgery?”
Sa kauna-unahang pagkakataon, ipinaliwanag ni Arci sa paraang mauunawaan ng mga tao ang mga dahilan ng malaking kaibahan ng mukha niya ngayon — kumpara sa kanyang hitsura nang sumali siya sa StarStruck: The Nationwide Invasion, ang reality-based artista search ng GMA-7, noong 2005.
Read: The beauty transformation of Arci Munoz from 2005 to 2017
Hindi lamang ang mga pagbabago sa pisikal na kaanyuan ni Arci ang napag-usapan nila ni Boy.
Sa kauna-unahan ding pagkakataon, nagsalita at nagkuwento siya tungkol sa dating relasyon nila ni Badi del Rosario, ang anak ni Prince Jefri Bolkiah ng Brunei.
Walong taon na ang nakalilipas mula nang wakasan ng dalawa ang kanilang relasyon.
Pero hanggang ngayon, hindi nalilimutan ni Arci ang maliligayang araw nila ng royal prince ng Brunei.
Detalyado niya itong ikinuwento sa panayam sa kanya ni Boy sa Fast Talk with Boy Abunda.