Tumiwalag na si Shamcey Supsup-Lee mula sa Team Kaya This, ang opposition political party sa Pasig City na kanyang kinaaaniban.
Kandidato si Shamcey bilang konsehal sa unang distrito ng Pasig para sa halalan sa Mayo 12, 2025.
Isiniwalat ng Miss Universe 2011 third runner-up sa publiko ang kanyang desisyon sa pamamagitan ng isang Facebook post nitong madaling-araw ng Martes, Abril 8, 2025.
Read: Vic Sotto, tinawag na "susunod na Presidente" ang anak na si Vico
Pahayag ni Shamcey: “After careful thought and reflection, I have respectfully decided to resign from KAYA THIS.
“When I joined the team, it was with sincere hope that we could work together for meaningful change.
"But recent events have made it clear that my values, especially those shaped by my experience as a woman, a mother, and a leader, no longer align with the direction the team is taking.
“This decision is not made lightly, but with full respect for my fellow aspirants, for the Miss Universe Philippines Organization whose mission I carry, and for the many women and girls who look to me for strength and clarity.
“I choose to stand firmly by the values I’ve upheld throughout my life: dignity, respect, accountability, and women empowerment.
"At this point, I believe the best way to stay true to these principles is to take a step back, reflect, and listen, to allow space for clarity before taking the next steps.
“I am grateful to KAYA THIS for the opportunity, and I wish everyone well.”
JOKE ABOUT SINGLE MOTHERS
Hindi man sinabi ni Shamcey ang dahilan ng pagtiwalag, malinaw na may kinalaman sa kanyang pasya ang nakakainsultong biro ng kapartido niyang Atty. Ian Sia laban sa single mothers.
Si Sia ay kandidato para sa lone congressional district ng Pasig City.
Sa isang campaign sortie ng Team Kaya This, nagbitaw ang abogado ng mga salitang naging dahilan para batikusin siya ng publiko at maglabas ng show cause order ang Commission on Elections.
Bahagi ng biro ni Sia: “Ito po ang ambag ko para sa mga solo parent ng Pasig.
"Minsan sa isang taon ang mga solo parent na babae na nireregla pa — Nay, malinaw, nireregla pa — at nalulungkot, minsan sa isang taon, pwede pong sumiping sa akin.
"Yun pong interesado magpalista na po dito sa table sa gilid."
Read: Angelu de Leon nag-react sa bastos na biro ng kandidato
Isa si Shamcey sa mga unang umalma sa tasteless joke ni Sia.
Sa kanyang pahayag na inilabas noong Biyernes, Abril 4, sinabi ni Shamcey: “As a woman and a mother, I do not tolerate statements—whether made in jest or in earnest—that diminish or disrespect women.
“I’ve spoken to Atty. lan and shared my thoughts with him directly. I believe we all have moments to learn from, and I hope this becomes one of them.”
At ngayong Martes, Abril 8, tuluyan nang tumiwalag si Shamcey mula sa Team Kaya This dahil sa kanyang mga pinahahalagahang kabuluhan bilang babae at tila hindi na rin niya kinayang makasama si Sia.
CONGRESSIONAL BET BLAMES MAYOR VICO SOTTO
Noong Biyernes, April 4, humingi ng paumanhin si Sia sa mga na-offend sa kanyang biro tungkol sa single mothers.
Paliwanag niya, ginawa lamang niya ito para makuha ang atensiyon ng mga dumalo sa campaign sortie.
Pero matapos humingi ng paumanhin ay ibinaling niya ang sisi sa kalaban nilang partido, ang Giting ng Pasig, partikular na si Pasig Mayor Vico Sotto.
Sa pamamagitan ng isang press release ay inakusahan ni Sia si Vico at ang mga kaalyado nito sa paggamit sa kanyang isyu upang mailihis umano ang hamon nilang sagutin ang mga isyung inilatag nila.
“Nakisakay naman agad sa isyu ang mga kaalyado ni Sotto at naglabas ng di-umano’y pagkondena sa biro ko pero hindi muna tinitingnan ang sariling ‘baho’ ng kanilang mga kasama sa slate,” bahagi ng pahayag ng kandidato.
Kaugnay nito, sinabi ng mayoral candidate ng Team Kaya This na si Sarah Discaya na sinuspindi nila ng tatlong araw si Sia mula sa pagdalo sa campaign sorties.
Pahayag ni Discaya sa panayam ng Inquirer: "Tao rin siya na nagkakamali pero [it] doesn’t mean to say we have to let him go kasi we started this journey together and we will end this journey together.
"Wala namang tao na perpekto, di ba? Everyone makes mistakes, di ba?
"So, it’s the way of handling it, and I think he was courageous enough to say sorry, to apologize, and make amends with the solo parents."
Read: Ara Mina running against fellow actress Angelu de Leon in Pasig
Notice: This article falls under promotional material for a candidate running in the 2025 election.