Natutuwa si Excel Busano dahil tinatangkilik ang Secrets We Keep, ang Danish thriller-drama miniseries na kinabibilangan niya at napapanood sa Netflix.
Ito ang acting debut ni Excel.
Ang Secrets We Keep (Reservatet) ay pinagbibidahan ng Danish stars na sina Marie Bach Hansen, Simon Sears, Lars Ranthe, Sara Fanta Traor, at Danica Curcic.
Ginagampanan ni Excel ang karakter ni Angel, ang au pair o kasambahay, na may importanteng papel sa takbo ng istorya.
Read: Tatlong Pinoy movies, inokupa ang top spots sa Netflix PH
“I am very happy that Secrets We Keep got worldwide attention. First weekend, it had over 10 million worldwide views and No. 1 in 28 countries,” pahayag ni Excel sa panayam sa kanya ng Cabinet Files sa pamamagitan ng email.
Walang karanasan si Excel sa pag-arte.
Ngunit para sa isang baguhan, natural na natural ang ipinamalas niyang pagbibigay-buhay sa karakter ni Angel.
Nakuha raw niya ang role nang makapasa siya sa ipinatawag na audition.
Lahad niya: “First time ko pong mag-act in a TV series.
"I went through three casting rounds which was organized by Casteriet, a casting agency company in Copenhagen, Denmark.
“About sa acting workshop ko, isang beses lang, at dun ko nakilala nang personal si Marie, ang gumanap na Cecelie, at si Danica, ang gumanap na Katarina.”
Hindi lamang si Excel ang Pilipina na tampok sa Secrets We Keep.
Importante rin sa kuwento nito ang karakter na binigyang-buhay nina Donna Levkovski, Nilda Galola Acion, Isabelita Reyes, at marami pang iba.
Ginamit din sa mini-series ang Tagalog dialect bilang linya ng Pinoy actors, pati na ang OPM song na "Paglisan" ng Color It Red.
Read: Dolly de Leon, Jon Jon Briones join Netflix's Avatar cast
EXCEL ON SHOOTING OF SECRETS WE KEEP
Si Excel ay mula sa Bohol.
Nanirahan siya sa Maynila mula 2012 hanggang 2014, at nagpunta sa Denmark noong 2014.
Pinangangalagaan ni Excel ang pribadong buhay kaya tumanggi itong sabihin ang kanyang kumpletong pangalan, tunay na edad, at ang kasalukuyang trabaho niya sa Denmark
Pero nagbigay siya ng mga detalye tungkol sa taping ng Secrets We Keep na tumagal ng halos apat na buwan.
“The shooting process was very professional. I was extremely taken good care of, like staying in very nice hotels and first-class travel going home every weekend.
“And I also had a great support from the director, actors, and all the crew of UMA Films,” sabi ni Excel.
Pinaghandaan daw niyang mabuti ang kanyang mga eksena sa Secrets We Keep.
Kuwento niya: “The series has many emotional scenes. I can’t say it was always easy but I tried to be prepared as much as possible.
“I was somewhat scared of my scenes under the very heavy filming equipments.”
Bukas daw si Execl sa posibilidad na tumanggap ng mga acting assignment sa Pilipinas.
“Yes po, kung may offer po,” sabi ni Excel.
“I hope that one day, there would be a suitable role for me in a Philippine movie.”